យោងតាមការបង្ហោះរបស់ម្ចាស់ហ្វេសប៊ុក ឈ្មោះ នួន សុផន ដែលត្រូវបានគេស្គាល់ថាគឺជាព្រះសង្ឃមួយអង្គគង់នៅវត្តមួយនៅក្នុងខេត្តកំពង់ឆ្នាំង បានសរសេររៀបរាប់យ៉ាងវែងអន្លាយ ពីសកម្មភាពរយៈពេល៥ឆ្នាំរបស់លោកជំទាវ ឧកញ៉ា អ៊ាន សៀវម៉ី ដែលសំណេររបស់ព្រះអង្គគឺសូម្បីតែអ្នកធ្លាប់ស្គាល់តារាអនឡាញ ដែលមានគោរមងារជាលោកជំទាវឧកញ៉ារូបនេះ ក៏ភ្ញាក់ផ្អើល។ នេះគឺជាការលាតត្រដាងដ៏កម្រ ដោយក្នុងសារដែលបានលើកឡើង មានអ្នកលេងហ្វេសប៊ុកមិនតិចទេស្រឡាំងកាំង ខណៈដែលព្រះតេជគុនក៏បានបញ្ជាក់ថា ការលាតត្រដាងរបស់ខ្លួន គឺគ្រាន់តែជាផ្នែកតូចមួយនៅឡើយផង។
ព្រះតេជគុន នួន សុផន បានសរសេរថា ” ក្នុងរយៈពេល៥ឆ្នាំ សេចក្តីល្អរបស់បងជំទាវ ឧកញ៉ា អ៊ាន សៀវម៉ី និងក្រុមគ្រួសារ បានបំពេញសេចក្តីល្អជាច្រើនណាស់កន្លងមកនេះ អាត្មាគ្រាន់តែបង្ហាញចំណុចតូចមួយទេនៅមានច្រើនទៀតណាស់ ដែលបងបានជួយដល់សង្គមក៏ដូចជាជួយដល់វត្តអារាម ចាស់ជរាខ្វះខាតតាមរយ:អាត្មាភាព។ ជាង6ឆ្នាំដែលអាត្មាបានស្គាល់បងស្រី , មានទាំងសាងសង់ជាផ្ទះជូនចាស់ជរានិង សកម្មភាពសប្បុរសធម៌ជាច្រើនទៀត។
បងស្រីមិនត្រឹមតែចេះធ្វើសេចក្តីល្អតែខ្លួនឯងនោះទេ គឺបងបានទាំងបង្រៀនកូនៗរបស់គាត់ ឱ្យចេះគោរពចាស់ទុំ សំពះព្រះសង្ឃ និយាយជាមួយព្រះសង្ឃបានយ៉ាងល្អ ដែលក្មេងដទៃកម្រនឹងចេះនិយាយបាន និងចេះបំពេញទានបានដូចនោះទៀតផង។ បងៗ ញាតិញោៗមើលរូបថតក្មេងស្រីតូចខាងលើនោះ ពិតជាឃើញហើយ ថា ការសំពះរបស់កូនស្រីរបស់គាត់ តើសមដែរឬទេ។#បងៗពិចារណាតាមការគួរ”។ ជាមួយនឹងការសរសេរបង្ហោះធ្វើអោយអ្នកម្នាក់ៗមានការចាប់អារម្មណ៍នេះ ព្រះតេជគុន នួន សុផន បានថ្លែងប្រាប់ផ្ទះតារា តាមសារអេឡិកត្រូនិកបន្ថែមថា ព្រះតេជគុនបានស្គាល់លោកជំទាវឧកញ៉ា អ៊ាន សៀវម៉ី តាមរយៈកម្មវិធីសប្បុរសធម៍មួយ កាលពីច្រើនឆ្នាំមុន ហើយដោយសារតែព្រះតេជគុនតែងតែចេញមុខរៃអង្គាសថវិកាផ្សេងៗ ជួយដល់អ្នកខ្វះខាត ទើបលោកជំទាវជួយថវិកាបរិច្ចាគជារឿយៗរហូតដល់មានសកម្មភាពច្រើនជាមួយគ្នា។ តេជគុណថា អោយតែព្រះតេជគុណប្រកូកប្រកាសនៅលើហ្វេសប៊ុក ពីកង្វះខាតរបស់បងប្អូនណាម្នាក់ លោកជំទាវតែងតែចេញមុខជួយ ហើយនៅក្នុងពេលខ្លះ គឺលោកជំទាវនិមន្តអោយព្រះអង្គយកជំនួយទៅជួយអ្នកនេះទៅជួយអ្នកនោះជំនួសតែម្ដង នៅពេលលោកជំទាវមើលឃើញពីការលំបាករបស់បុគ្គលណាមួយ ហើយមិនអាចទៅបាន។ ព្រះតេជគុណថា រយៈពេល5ឆ្នាំ តាំងពីស្គាល់លោកជំទាវ លោកជំទាវស្ទើរតែក្លាយជាសប្បុរសជននាំមុខគេ ដែលបានទ្រទ្រង់នូវសកម្មភាពសប្បុរសធម៍របស់ព្រះអង្គ ដោយរាល់ការបង្ហោះរបស់ព្រះអង្គកន្លងមក គឺភាគតិចណាស់ ដែលលោកជំទាវ អ៊ាន សៀវម៉ី មិនអើពើ។ ក្នុងនោះលោកជំទាវ ក៏ ច្រើនតែចំណាយនូវធនធានច្រើនៗផ្ទាល់ខ្លួនតែម្ដង ក្នុងសកម្មភាពសប្បុរសធម៌នីមួយៗនោះផង ដោយកម្រជួយតែបន្តិចបន្តួច ហើយតម្រូវអោយព្រះតេជគុណត្រូវរ៉ៃអង្គាសពីសប្បុរសជនបន្ថែមនោះ។ ព្រះតេជគុនបន្តថា ព្រះអង្គសព្វថ្ងៃគង់នៅវត្ត កាសេម រតនារ៉ាម ស្ថិតនៅខេត្តកំពុងឆ្នាំង ហើយព្រះអង្គបានសកម្មក្នុងការរ៉ៃអង្គាសថវិកាជួយដល់អ្នកខ្សត់ខ្សោយប្រមាណជា6ឆ្នាំមកហើយ ដោយលោកជំទាវ អ៊ាន សៀវម៉ី គឺអាចចាត់ទុកថា គឺជាសប្បុរសជនដែលសកម្មជាងគេក្នុងរយៈពេល5ឆ្នាំ ដែលព្រះតេជគុនបានស្គាល់។ លោកជំទាវក៏បានបរិច្ចាគថវិកាដូចភ្លៀងរលឹមតាមរយៈព្រះអង្គជួយកសាងសមិទ្ធផលមួយចំនួន ជួយសង់ផ្ទះជនចាស់ជរា ជួយកុមារកំព្រា និង ជួយដល់គ្រួសារជាច្រើនគ្រួសារ ដោយការជួយគឺមិនមែនជួយតែនៅខេត្តកំពង់ឆ្នាំងនោះទេ គឺជួយគ្រប់ខេត្តតែម្ដង អោយតែព្រះតេជគុនបង្ហោះរ៉ៃអង្គាស។ ជាមួយនឹងលាតត្រដាងរបស់ព្រះតេជគុនអង្គនេះ បានធ្វើអោយមហាជនកាន់តែមានការចាប់អារម្មណ៍ ដែលមានន័យថា លោកជំទាវឧកញ៉ា អ៊ាន សៀវម៉ី មិនមែនសកម្មតែការងារសប្បុរសធម៌ដែលលោកជំទាវបានធ្វើដោយផ្ទាល់ដូចដែលបានឃើញនោះទេ តែក៌សកម្មជាមួយព្រះតេជគុណគួរអោយសរសើរផងដែរ។
![](https://i0.wp.com/phteasdara.com/wp-content/uploads/2020/12/96C8E74D-55E1-4D97-B196-D95FA9102551.jpeg?resize=696%2C928)
![](https://i0.wp.com/phteasdara.com/wp-content/uploads/2020/12/93F28823-03C5-48E5-A4DC-6A346B437054.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/DA1A350C-E9DA-4161-8B3E-3F31D825BF8B.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/DA1A2505-A355-41C7-8E0E-DC808377A158.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/AA516DA8-A15A-4CD2-A454-6C6079292711.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/8B7695D9-FA29-40A0-9465-A8984C464A71.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/3566ED8E-6448-4D14-9132-00AE845808E3.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/C1AA0CCC-EC2B-4ED6-8C82-BA497BFE989C.jpeg?resize=696%2C928)
![](https://i0.wp.com/phteasdara.com/wp-content/uploads/2020/12/7EF1EBD1-2B50-44EF-B022-F70E59908FAD.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/96E03786-8881-4EC3-A101-BFB7AC203475.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/E26364DA-5118-46F4-8FC1-402DE4CFC5CB.jpeg?resize=540%2C960)
![](https://i0.wp.com/phteasdara.com/wp-content/uploads/2020/12/7A0426EF-D66D-48FA-ADB2-913D9D9C2AAA.jpeg?resize=696%2C392)
![](https://i0.wp.com/phteasdara.com/wp-content/uploads/2020/12/D2582C15-7881-4BAD-8558-3B7E3922962C.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/399FCECB-7819-4DAD-B9D4-538EB8E1A665.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/92F2F54F-242B-40FF-B916-7845144C48BB.jpeg?resize=696%2C928)
![](https://i0.wp.com/phteasdara.com/wp-content/uploads/2020/12/04986AE1-0405-411C-B178-6AED27D011C1.jpeg?resize=696%2C928)
![](https://i0.wp.com/phteasdara.com/wp-content/uploads/2020/12/54F8C557-DD79-4221-9EC1-2D31309A56C6.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/BEF1D2C0-F66A-4522-8E86-BF076DA75CC2.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/43671D97-6B0F-4DF5-953D-7C396B8A1689.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/13446A71-4499-4C6D-9AAE-E9FC7B36D273.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/56ED894E-DF7C-4585-8ABD-AE644D57F8A3.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/D306ECF5-E41D-4474-BACC-6DDE8A4427D2.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/9B7E4A99-F1D2-49BF-AFF6-7705AF3F9A90.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/2D9E3338-8253-46ED-A523-33FA8F7A6FF8.jpeg?resize=696%2C522)