បន្ទាប់ពីមានការផ្សាយថា អ្នកម្នាង សៀង ឌី ទទួលមរណភាពតាំងពីថ្ងៃទី១៦ សីហា ឆ្នាំ២០១៩ ហើយមានប្រតិកម្មពីសាច់ញាតិ នៅក្នុងពេលនេះដំណឹងដ៏ក្រៀមក្រំបានកើតឡើងហើយ ដោយពិតជាត្រូវបានមច្ចុរាជកាត់ផ្ដាច់សង្ខាមិនត្រាប្រណីមែន កាលពីវេលាម៉ោងជាង១២ថ្ងៃត្រង់ ថ្ងៃទី ១៨ សីហា ២ថ្ងៃបន្ទាប់ពីការផ្សាយអកុសល។ សពអ្នកម្នាងត្រូវបានតម្កល់ធ្វើបុណ្យនៅឯនាយសមុទ្រ ដោយបន្សល់ត្រឹមតែស្នាដៃ និងរូបថត ទុកអោយសិល្បករជំនាន់ក្រោយចងចាំ។
យោងតាមការប្រកាសជាសាធារណៈ ពីសំណាក់អ្នកជិតស្និទ្ធនឹងអ្នកម្នាង បានសរសេរបង្ហោះថា “អ្នកម្នាង ស៉ីសុវត្ថិ សៀងឌី បានទទួលមរណភាពហើយ នៅក្នុងមន្ទីរពេទ្យ Lakwood រដ្ឋកាលីហ្វនៀ នៅសហរដ្ឋអាមេរិក កាលពីវេលាម៉ោង១២ និង៤០នាទីថ្ងៃត្រង់ នៅថ្ងៃទី១៨ ខែសីហា ឆ្នាំ២០១៩ ម៉ោងនៅប្រទេសកម្ពុជា”។ មរណភាពរបស់អ្នកនាង បានធ្វើអោយមានការសោកស្ដាយជាពន់ពេក ជាពិសេសចំពោះអ្នកធ្លាប់បានរួមការងារជាមួយនឹងអ្នកម្នាង ក្នុងកិច្ចការសប្បុរសធម៌ និងលើកស្ទួយសិល្បៈខ្មែរ នាពេលកន្លងមក។ ម្នាក់ៗ បានត្រឹមតែបង្ហាញអារម្មណ៍សង្វេគចិត្តចំពោះការបាត់បង់ និងថាចាប់ពីថ្ងៃនេះតទៅ អ្នកម្នាង នឹងសល់តែសំលេង និងរូបថតតែប៉ុណ្ណោះ។
ខាងនេះជាជីវប្រវត្តិ អ្នកម្នាង សៀង ឌី ក្នុងវិស័យសិល្បៈ៖
