រុន​ ​ណា​កូ​ ​ឈ្នះ​ពាន​ ​Year​ ​Award​ ​ពី​ការប្រកួត​ឈុត​បុរាណ​ ​

0
- Advertisement Banner -

មិនមែន​ជា​រឿង​ងាយ​ទេ​ ​ទម្រាំ​ទទួល​បាន​ពាន​ជាតា​រា​លេចធ្លោ​ក្នុង​ឈុត​សំលៀកបំពាក់​បុរាណ​របស់​គ្រួសារ​តារា​កម្ពុជា​ ​ក្នុង​ការប្រកួត​ប្រជែង​ដែល​ក្រុម​សិល្បៈ​មួយ​នេះ​ ​ធ្វើឡើង​។​ ​យ៉ាងណាមិញ​ ​ម្ចាស់​ពាន​ឆ្នាំ​ចាស់​ ​លោក​ ​រុន​ ​ណា​កូ​ ​បែរជា​ទទួល​បាន​ពាន​ដល់ទៅ២​ ​ពី​គ្រួសារ​តារា​កម្ពុជា​ ​បន្ទាប់ពី​លោក​ត្រូវ​បាន​គេដាក់​អោយ​បោះឆ្នោត​នៅ​លើ​ផេ​ក​”​គ្រួសារ​តារា​កម្ពុជា​”​ ​និង​ផេ​ក​”​ផ្ទះ​តារា​ ​Home​ ​Stars​”​ ​ហើយ​ទទួល​បាន​សំលេង​នាំមុខ​គេ​។​ ​

តារា​សម្ដែង​ ​និង​ជាស​មា​ជិ​ក​ក្រុម​បង្ហាញ​ម៉ូដ​ ​BN​ ​ដែល​គ្រង​ឈុត​ព្រះបាទ​សុរិយា​វរ្ម័ន​ ​ទី២​ ​ហើយ​ទទួល​បាន​ពាន​លេចធ្លោ​ ​និង​ត្រូវ​ទម្រង់​នោះ​ ​កាលពី​ឆ្នាំ២០១៨រូប​នេះ​ ​ទទួល​បាន​ពាន​ ​Year​ ​Award​ ​ឬ​ ​ពាន​ប្រជាប្រិយ​ភាព​ពី​ការបោះឆ្នោត​ ​យ៉ាង​មាន​កិត្តិយស​ ​ដោយ​ពាន​របស់​លោក​ ​ត្រូវ​បាន​ប្រគល់​អោយ​ដោយ​អ្នកនាង​ ​ចាន់​ ​តារា​ទី​ ​នៅក្នុង​វេទិកា​ការប្រកួត​ឈុត​បុរាណ​លើក​ទី២​ ​កាលពី​ថ្ងៃទី៨​ ​កក្កដា​ ​ឆ្នាំ២០១៩​ ​នៅ​ប្រាសាទសំបូរព្រៃគុក​។​ ​

​ពិតជា​មាន​កិត្តិយស​មិន​អម់​ទេ​ ​សម្រាប់​អ្នក​កាន់​ពាន​ឈុត​បុរាណ​គ្រួសារ​តារា​កម្ពុជា​ ​កាលពី​រដូវ​កាល​ទី១​ ​ដោយសារតែ​មុន​ពិធី​ផ្ទេរ​ពាន​ ​ម្ចាស់​ពាន​ទាំង៦​ ​ត្រូវ​បាន​គេដាក់​អោយ​បោះឆ្នោត​ស្វែងរក​ម្ចាស់​ពាន​មួយ​រូប​ ​ក្នុងចំណោម​អ្នក​ទាំង៦​ ​ដើម្បីអោយ​ក្លាយជា​ម្ចាស់​ពាន​ប្រជាប្រិយ​ ​ឬ​ ​ពាន​ ​Year​ ​Award​ ​របស់​គ្រួសារ​តារា​កម្ពុជា​។​ ​លោក​ត្រូវ​គេដាក់​អោយ​បោះឆ្នោត​លើ​ផេ​ក​”​ផ្ទះ​តារា​ ​Home​ ​Stars​”​ ​និង​ផេ​ក​”​គ្រួសារ​តារា​កម្ពុជា​”​ ​ក្នុងចំណោម​ម្ចាស់​ពាន៥រូប​ផ្សេងទៀត​ ​ដើម្បីអោយ​មហាជន​ ​Like​ ​និង​ ​Share​ ​។​ ​ការបោះឆ្នោត​នេះ​ ​ត្រូវ​បាន​ធ្វើឡើង​ ​តាំងពី​ថ្ងៃទី១​ ​កក្កដា​ ​រហូតដល់​យប់​ថ្ងៃទី៧​ ​កក្កដា​ ​ឆ្នាំ២០១៩​។​ ​ម្ចាស់​ពាន​ទាំង៦​ ​ដែល​មានឈ្មោះ​អោយ​មហាជន​បោះឆ្នោត​អោយ​នោះ​ ​រួមមាន​ ​អ្នកនាង​ ​ម៉ៅ​ ​សុី​ណាត​ ​តារាចម្រៀង​ ​ម្ចាស់​ពាន​គ្រង​ឈុត​បុរាណ​ត្រូវ​ទម្រង់​ ​កាលពី​ឆ្នាំ២០១៨​ ​កញ្ញា​ ​ប៑េប៑ី​ ​តារាចម្រៀង​ផលិត​កម្ម​ថោន​ ​ម្ចាស់​ពាន​លេចធ្លោ​ប្រចាំ២០១៨​ ​លោក​ ​សុិន​ ​សុ​ធារិ​ទ្ធ​ ​តារា​សម្ដែង​ ​ម្ចាស់​ពាន​គ្រង​ឈុត​បុរាណ​កម្រ​ ​កាលពី​ឆ្នាំ២០១៨​ ​លោក​ ​ម៉ែ​ន​ ​អ​ម្រុ​ងរ័​ត្ន​ ​តារា​ម៉ូដែល​ ​ម្ចាស់​ពាន​ឈុត​បុរាណ​ច្នៃ​ ​កាលពី​ឆ្នាំ២០១៨​ ​និង​ ​កញ្ញា​ ​ភី​ ​សម័យ​ ​តារា​សម្ដែង​ ​ម្ចាស់​ពាន​គ្រង​ឈុត​បុរាណ​ច្នៃ​ផ្នែក​នារី​ ​កាលពី​ឆ្នាំ២០១៨​។​ ​ឆ្លងកាត់​ការបោះឆ្នោត​ភ្លូកទឹកភ្លូកដី​ ​លើ​សង្គម​ហ្វេ​សប៑ុ​ក​ ​តារា​ទាំង៦​ ​មាន​សំឡេង​ប្រកៀកប្រកិត​គ្នា​។​ ​យ៉ាងណាមិញ​ ​ម្ចាស់​ពាន​ ​លោក​ ​រុន​ ​ណា​កូ​ ​ទទួល​បាន​សំលេង​នាំមុខ​គេ​ ​នៅ​ថ្ងៃ​បិទ​បញ្ចប់​ការបោះឆ្នោត​ ​ទើប​ទទួល​ពាន​ប្រជាប្រិយ​ភាព​សម្រាប់​អ្នក​គ្រង​ឈុត​បុរាណ​រដូវ​កាល​ទី១។

​លោក​ ​រុន​ ​ណា​កូ​ ​បង្ហាញ​អារម្មណ៍​រំភើបចិត្ត​យ៉ាង​ខ្លាំង​ ​បន្ទាប់ពី​ដណ្ដើម​បាន​ពាន​ជា​លើក​ទី២​ ​ពី​ការបោះឆ្នោត​របស់​មហាជន​។​ ​លោក​កាន់តែ​សប្បាយចិត្ត​ ​ដែលតា​រា​រៀមច្បង​ ​អ្នកនាង​ ​ចាន់​ ​តារា​ទី​ ​គឺជា​អ្នក​ឡើង​ប្រគល់​ពាន​ ​ដែល​លោក​បញ្ជាក់​ថា​ ​កាលពីមុន​ធ្លាប់តែ​ស្រ​ម៉ៃ​ ​ប៉ុន្តែ​ពេលនេះ​ ​ស្រាប់តែ​បាន​ទទួល​ពាន​យ៉ាង​មាន​កិត្តិយស​ពី​ ​អ្នកនាង​។​ ​លោ​ក​ក៍​ប្រកាស​អរគុណ​ ​ដល់​គ្រួសារ​តារា​កម្ពុជា​ ​ផង​ដែរ​ ​ដែល​បាន​បង្កើត​ព្រឹត្តិ​ការណ៍​ប្រកួត​ឈុត​បុរាណ​នេះ​ឡើង​ ​ហើយ​ផ្ដល់​ឱកាស​អោយ​លោក​ក្លាយជា​ម្ចាស់​ពាន​កាលពី​ឆ្នាំ២០១៨​ ​ដែល​ជួយ​អោយ​លោក​បន្ត​កាន់​ពាន​ប្រជាប្រិយ​ភាព​លើក​នេះ​ ​ជាថ្មី​ទៀត​។​

LEAVE A REPLY

Please enter your comment!
Please enter your name here