អ្នកឯកទេសផាត់មុខ ងួន សុាំង រំលឹកជីវិតមុនក្លាយជាម្ចាស់ហាងធំ

0
- Advertisement Banner -

មកទល់ពេលនេះ គេកត់សម្គាល់ថា អ្នកឯកទេសផាត់មុខ លោក ងួន សុាំង បានក្លាយជាបុគ្គលជោគជ័យគួរឱ្យសរសើរ បន្ទាប់ពីលោកត្រូវគេដឹងថា គ្រាន់តែជាអ្នកផាត់មុខតាមហាងរាយរង ក៍ក្លាយជាអ្នកផាត់មុខប្រចាំហាងធំៗ និងក្លាយជាអ្នកផាត់មុខប្រចាំតារាល្បីៗ។ ហើយចុងក្រោយ ក៍ក្រោយនាយកសាលាបណ្ដុះបណ្ដាលផ្នែកសាឡនធំមួយ ដែលនៅក្មេងសោះ តែមានកូនសិស្សរាប់រយនាក់ត្រូវបានលោកបណ្ដុះក្លាយជាអ្នកជំនាញ ហើយថែមទាំងមានលទ្ធភាពពង្រីកហាងបានច្រើនសាខាទៅទៀត។

លោក ងួន សុាំង បានសារភាពថា អ្វីដែលលោកជោគជ័យថ្ងៃនេះ មិនមែនដោយសារតែខ្លួនពូកែ ឬមានសមត្ថភាពតែមួយមុខនោះទេ ប៉ុន្តែគឺដោយសារតែលោកមានបុគ្គលជំរុញទឹកចិត្ត ដែលធ្វើអោយលោកអាចមានថ្ងៃនេះ។ ក្នុងកិច្ចសម្ភាសន៍មុននេះ លោកថា អ្វីដែលមហាជនបានឃើញ គឺកើតចេញពីមនុស្សសំខាន់២នាក់ ដែលនាំអោយលោកអាចដំណើរការហាងបីយូធីស្ទរ​ ហើយក្លាយជាសាលាបណ្ដុះបណ្ដាល និងជាហាងសាឡនធំមួយ។ តំណែងថៅកែដែលលោកដណ្ដើមបានទាំងវ័យក្មេង លោកថាដោយសារមានការជ្រោមជ្រែងពី​មនុស្សសំខាន់ក្នុងជីវិត២នាក់គឺ បុគ្គលឈ្មោះ Seng Sovannarith និង ឈ្មោះ Kim Soojin Jae ដោយមានអ្នកទាំងពីរ ទេីបលោកអាចដេីរមកដល់ចំនុចនេះ​ ។ លោកថា អ្នកទាំងពីរ ជាអ្នកនៅពីក្រោយភាពជោគជ័យ ខណៈដែលលោកមិនខ្លាចក្នុងការបង្ហាញនោះទេ ជាពិសេសក្នុងពេលែលលោកកាន់តែជោគជ័យក្នុងជីវិត។ អ្នកទាំងពីរបានដើរតួ ជារនាំងការពារ និងជួយលោកជាប្រចាំ ក្នុងពេលលោកគ្រាន់តែបុគ្គលដែលសង្គមជុំវិញ និងមិត្តភ័ក្ត្រ មិនអោយតម្លៃ។

លោក ងួន សុាំង បន្តថា លោក សេង សុវណ្ណារិទ្ធ​ គឺជាមនុស្សដំបូងដែល​ ដាក់ឈ្មោះហាងអោយអោយលោក និងជាអ្នកបង្កេីតផេក​អោយលោក ដោយក្នុងតំណែងជាអ្នក Editរូប​ និងគ្រប់គ្រងការបំផុសទីផ្សារហាងទាំងឡាយ គឺបុគ្គលរូបនេះ ជ្រោមជ្រែងជួយលោកទាំងស្រុង។លោកក៍បានសងគុណបុរសម្នាក់នេះ ដោយជ្រោមជ្រែងអោយក្លាយជាប្អូនថ្លៃរបស់លោក រហូតដល់សព្វថ្ងៃនោះផង។ សម្រាប់បុគ្គលម្នាក់ទៀត គឺ អ្នកនាង ងួនស្រីគីម​ ដែលជាប្អូនស្រីបង្កេីតទោលតែម្នាក់របស់លោក(បងប្អូនតែ២នាក់)​ ។ អ្នកនាង តាំងពីមុនរៀបការ រមែងជឿរជាក់លេីលោក និងមិនដែលបោះបង់លោកនោះទេ បើទោះជាក្នុងពេលនោះ មានការបំបាក់ទឹកចិត្តចំពោះលោកកើតឡើងកម្រិតណា។ លោកថា ប្អូនស្រីម្នាក់នេះ ក្រៅពីសាងបន្ទុកអោយលោកដោះស្រាយ បែរជាជួយលោកនូវគ្រប់កាលៈទេសៈ ហើយបើគ្មាននារីម្នាក់នេះ លោកថា ហាងបីយូធីស្ទរ ដែលរីកចំរើនសព្វថ្ងៃ មិនអាចទៅរួចទេ។ ​ លោកកាន់តែសប្បាយចិត្ត ដែលប្អូនស្រី និងប្អូនថ្លៃទាំងពីរ កាន់តែជំនួសដៃជើងក្នុងអាជីព ហើយលទ្ធផលចុងក្រោយ អ្នកទាំងពីរ ក៍ជួយអោយហាងរបស់លោករីកផុសសាខាច្រើនឡើងៗ ជាពិសេសនៅភ្នំពេញ ដោយសកម្មភាពក្នុងការបណ្ដុះបណ្ដាលសិស្សលើជំនាញសាឡន ក៍មានឱកាសកាន់តែច្រើន។

រយៈពេល​ជិត​៦​ឆ្នាំ លោក​ពង្រីក​សាខា​បាន​៥​សាខា​ហើយ នៅ​រាជធានី​ភ្នំពេញ និង​បាត់ដំបង ហើយក៏​បាន​បណ្ដុះបណ្ដាល​សិស្ស​អោយ​ស្ទាត់ជំនាញ​សាឡ​ន​បាន​មិន​តិចនាក់​ផងដែរ ខណៈដែលមុននេះ ក៍ទើប​អ្នករៀន​ចប់​ពីសា​លា​ទៅ​បើកហាង​ខ្លួនឯង​ក៏​មិន​តិច​នាក់៕

LEAVE A REPLY

Please enter your comment!
Please enter your name here