យោងតាមការប្រកាសលទ្ធផលកាលពីរាត្រី ថ្ងៃទី២៦ ឧសភា ប្រុសស្អាតកម្ពុជាក្រៅពីទទួលបានចំណាត់ថ្នាក់លេខ៥ ក៍បានឈ្នះពានប្រជាប្រិយភាពនាំមុខគេ ដូចការគ្រោងទុកផងដែរ នៅក្នុងការប្រកួត Mister United World ដែលបានធ្វើឡើងនៅក្នុងប្រទេសថៃ។
លោក សុធា បុរសឯកកម្ពុជា ត្រូវបានប្រកាសថាបានជាប់ចំណាត់ថ្នាក់លេខ5 ( 4th Runner Up ) និង ទទួលបានពានប្រជាប្រិយ Popular Vote award ដែលបានមកពីការ Vote បោះឆ្នាតច្រើនជាងគេ។ ម្ចាស់មកុដនៅក្នុងឆ្នាំនេះ បានទៅលើលោក Saurav Singh Rawat មកពីប្រទេសឥណ្ឌា លេខ២ ប្រទេសថៃ, លេខ៣ ប្រទេសមីយ៉ាន់ម៉ា និងលេខ៤ ប្រទេសហ្វីលីពីន។
កម្មវិធី Mister United Word ឆ្នាំ២០១៩ នេះ ធ្វើឡើងនៅក្រុងប៉ាតាយ៉ា ប្រទេសថៃ ចាប់ពីថ្ងៃទី២២ ដល់ថ្ងៃទី២៧ ខែឧសភា ដោយមានប្រទេសជាច្រើនចូលរួមប្រកួត ដូចជា ថៃ ស្រីលង្កា កម្ពុជា វៀតណាម ហ្វីលីពីន ឡាវ រុស្ស៊ី អ៊ុយក្រែន ឥណ្ឌា លីបង់ មីយ៉ាន់ម៉ា ហ្សកដានី តៃវ៉ាន់ បែលហ្សិក និងអាមេរិកជាដើម។ បេក្ខភាពតំណាងកម្ពុជា គឺលោក អ៊ិត សុធា ដែលមានអាយុ ២៥ឆ្នាំ កម្ពស់ ១,៧៤សង់ទីម៉ែត្រ និងទម្ងន់ ៨២គីឡូក្រាម៕