យោងតាមព័ត៌មានផ្លូវការបានអះអាងថា អតីតបេក្ខជនក្នុងកម្មវិធីផ្កាយរះក្នុងសួនជំនាន់ទី១ ប្អូនប្រុស ទួន ឆានឈុន ត្រូវបានតុលាការកាត់ទោសអោយជាប់ពន្ធនាគារហើយ ដោយសារតែប្អូនបែកគំនិតមានមិត្តភ័ក្រ្តបនភឿន ជាអ្នកជិះម៉ូតូឆក់ទូរស័ព្ទតាមផ្លូវ ហើយប្អូនត្រូវបានគេចាប់បានក្នុងសកម្មភាពឆក់ទូរស័ព្ទមួយកន្លែងជាមួយនឹងគូកននៅម្ដុំអូរឫស្សី កាលពី២ខែមុន។ មានការទម្លាយថាអតីតបេក្ខភាពផ្កាយរះក្នុងសួនល្បីឈ្មោះរូបនេះ កំពុងជាប់ឃុំនៅពន្ធនាគារព្រៃសរ បន្ទាប់ពីតុលាការចេញដីការអោយជាប់គុករយៈពេល៣ឆ្នាំ។ នៅក្នុងចាប់បានប្អូនធ្វើសកម្មភាពឆក់ប្លន់នោះ បើទោះជាមានការផ្សាយផ្ទាល់ពីវេបសាយមួយចំនួន តែប្រហែលជាគ្មានការចាប់អារម្មណ៍ថាប្អូនគឺ ទួន ឆានឈុន នោះឡើយ ទើបដំណឹងពេលនោះមិនសូវមានការភ្ញាក់ផ្អើល។
ប្រភពផ្លូវការបានអះអាងថា ហេតុផលដែលនាំប្អូនប្រុសទួន ឆានឈុន អតីតបេក្ខភាពផ្កាយរះក្នុងសួនល្បីឈ្មោះត្រូវបានតុលាការជាប់ពន្ធនាគារ គឺដោយសារតែប្អូនធ្វើអោយម្ដាយឪពុកខឹងសម្បាររឿងដើរលេងច្រើន និងចាក់សាក់ជាដើម ហើយបន្ទាប់ពីត្រូវបានឪពុកមិនសូវរវីរវល់ ក៏ឈានដល់ការសេពគប់ជាមួយបនភឿន ដែលសុទ្ធតែអ្នកឆក់ប្លន់ ដែលជាមុខសញ្ញារបស់សមត្ថកិច្ច។ មុនថ្ងៃចាប់ខ្លួនប្អូនប្រុសទួន ឆានឈុន មានការទម្លាយថា ប្អូនបានជិះម៉ូតូជាមួយមិត្តភ័ក្រ្តឆក់ទូរស័ព្ទមួយគ្រឿងនៅម្ដុំផ្សារអូរឫស្សី កាលពី២ខែមុន ហើយត្រូវបានគេចចាប់បាន ដោយមុនឈានដល់ការកសាងសំណុំរឿងទៅកាន់តុលាការ តារាចម្រៀងរូបនេះ ក៏ត្រូវគេចាប់វ៉ៃស្ទើរស្លាប់ស្ទើររស់ផងដែរ។ ប្អូនត្រូវបានគេទម្លាយថាមានវ័យគ្រប់១៨ឆ្នាំ ដែលជាវ័យត្រូវជាប់ទោសទណ្ឌស្របតាមច្បាប់ ហើយបណ្ដាលមកពីប្អូនមិនព្រមទម្លាយអោយដឹងពីឈ្មោះមេខ្លោងដែលនៅពីក្រោយសកម្មភាពឆក់ប្លន់នោះផង ទើបសមត្ថកិច្ចសម្រេចកសាងសុំណុំរឿងទៅកាន់តុលាការ ហើយចុងក្រោយតុលាការក៏ចេញដីការអោយជាប់ពន្ធនាគាររយៈពេល៣ឆ្នាំ។
ដំណឹងជាប់ពន្ធនាគារ របស់អតីតបេក្ខភាពផ្កាយរះក្នុងសួន ទួន ឆានឈុន បានធ្វើអោយម្នាក់ៗសោកស្ដាយចំពោះការបាត់បង់ឱកាសក្នុងសិល្បៈរបស់ប្អូនយ៉ាងខ្លាំង ខណៈដែលមុនពេលមានដំណឹងអាក្រក់មួយនេះ ប្អូនគឺជាតារាចម្រៀងដែលមានប្រជាប្រិយភាពមិនធម្មតា ក្នុងចំណោមបេក្ខជនបេក្ខនារីដែលបានប្រលងក្នុងកម្មវិធីផ្កាយរះក្នុងសួនទាំំងអស់ របស់ទូរទស្សន៍អប្សរា។ មានដំណឹងថា លោក ម៉េង ប៊ុនឡូ ដែលជាមេអាហ្វែធំមួយ និងជាអ្នកផ្ចុងផ្ដើមអោយប្អូនបានច្រៀងក្នុងវេទិកាតន្ត្រីខេត្តក្រុង បានបង្ហាញអារម្មណ៍ស្រងាកចិត្ត ជាពិសេសបន្ទាប់ពីលោកមានគម្រោងចេញបទអោយប្អូនដើម្បីវាយលុកទីផ្សារទៅហើយ ប៉ុន្តែ ទួន ឆានឈុន បែរជាដើរផ្លូវខុសរហូតដល់ធ្លាក់ដល់ជាប់ពន្ធនាគារទាំងវ័យក្មេង៕
![](https://i0.wp.com/phteasdara.com/wp-content/uploads/2018/06/Chay-savat-35.jpg?resize=696%2C949&ssl=1)
![](https://i0.wp.com/phteasdara.com/wp-content/uploads/2018/06/Chay-savat-212.jpg?resize=696%2C522&ssl=1)
![](https://i0.wp.com/phteasdara.com/wp-content/uploads/2018/06/hqdefault-3.jpg?resize=480%2C360&ssl=1)