កាលពីថ្ងៃទី 04 មេសា កន្លងផុតទៅថ្មីៗនេះ ក្រុមហ៊ុន Honey Win បានប្រារព្ធធ្វើកម្មវិធីសង្ក្រាន្តខ្នាតយក្សធំមួយនៅលើទឹកដីនៃទីក្រុងនរា ដែលកម្មវិធីនេះមានចំនួនរហូតដល់ទៅ3ថ្ងៃ ពីថ្ងៃទី 04»05»06 ខែ មេសា ឆ្នាំ 2025 នេះ។
អ្នកស្រី Thida CEO Honey Win បានបង្ហាញនូវក្ដីរំភើបយ៉ាងខ្លាំង បន្ទាប់ពីថ្ងៃទីមួយនៃកម្មវិធីសង្ក្រាន្តបានបញ្ចប់ទៅដោយរលូន និង បន្សល់នូវភាពសប្បាយរីករាយ ដែលនេះគ្រាន់តែជាលើកទី1របស់ខ្លួន ក្នុងការរៀបចំនូវកម្មវិធីសង្ក្រាន្ត តែអ្នកស្រីអាចរៀបចំបានយ៉ាងធំដុំ និង អាចពាំនាំនូវការកម្សាន្តមុនឆ្នាំថ្មីមកដល់។
គោលបំណងនៃការធ្វើពិធីសង្ក្រាន្តនេះឡើង CEO Honey Win បានអះអាងថា គឺដើម្បីអបអរពិធីបុណ្យចូលឆ្នាំថ្មីប្រពៃណីជាតិខ្មែរ និង ជួបជុំបងប្អូនប្រជាពលរដ្ឋ ក៏ដូចជា BA គ្រប់ៗរូបរបស់ខ្លួន ដើម្បីចូលរួមផ្សព្វផ្សាយនូវល្បែងរបាំប្រជាប្រិយខ្មែរដូចដែលបានរៀបចំទុក ថែមទាំងបានរំលេចនូវសម្លៀកបំពាក់ខ្មែរ ក្រម៉ារខ្មែរ បូករួមទាំងមួកស្លឹកត្នោតខ្មែរ និង បញ្ចៀបការលក់នូវផលិតផលពីក្រុមហ៊ុន Honey Vin នៅក្នុងតម្លៃ promotion ពិសេសៗ ជូនដល់អតិថិជនបានប្រើប្រាស់ ហើយក៏មានជាកម្មវិធីចាប់ឆ្នោតផ្សងសំណាងជាច្រើនដែលសុទ្ធសឹងតែជារង្វាន់ធំៗដូចជា រង្វាន់ម៉ូតូ Honda Scoopy2025, ទូរទឹកក, ទូរស័ព្ទដៃ IPhone សេរីថ្មី និង រង្វាន់ឈុតមុខយ៉ាងច្រើនសន្ធឹកសន្ធាប់។
កុំភ្លេចចូលរួមឱ្យបានច្រើនកុះករ ដែលកម្មវិធីនៅសល់ចំនួន2ថ្ងៃទៀត នៅទីតាំងកោះនរា ព័ត៌មានលម្អិតលោកនាក់អាចចូលទៅឆែកមើលនៅលើផេកផ្លូវការរបស់ក្រុមហ៊ុន Honey Win ។
