ក្នុងសកម្មភាពថតឈុតក្រមា កាលពីថ្ងៃទី២៩ ធ្នូ ឆ្នាំ២០២៤ 1st Runner Up Miss Global Cambodia 2024 កញ្ញា ផន សុភ័ក្ត្រ បានធ្វើភ្ញៀវទេសចរណ៍ជាតិ និង អន្តរជាតិ ដែលបង្ហាញវត្តមាននៅរមណីយ៍ដ្ឋានវត្តភ្នំ និង មុខព្រះបរមរាជវាំង ទាក់ភ្នែកយ៉ាងខ្លាំង ដោយសារតែឈុតក្រមា ដែលនាងបានរំលេច ត្រូវនឹងរូបសម្រស់ដ៏ស្រស់សោភារបស់នាង។
មួយឈុតនេះមិនត្រឹមតែមើលឃើញថានាងស្រស់ស្អាតតែម្យ៉ាងនោះទេ តែក៏ជាលើកកម្ពស់ផលិតផលខ្មែរ គឺក្រមា បន្ទាប់ពីអត្តសញ្ញណរបស់ខ្មែរមួយនេះ ត្រូវបានដាក់បញ្ចូលជាសម្បត្តិបេតិកភ័ណ្ឌពិភពលោក។
ផន សុភ័ក្ត្រ បានស្លៀកបង្ហាញឈុតក្រមានេះ នៅរមណីយដ្ឋានវត្តភ្នំ និងមុខព្រះបរមរាជវាំង ដោយទីតាំងដែលនាងទៅថតជាមួយៗសុទ្ធតែរោមសុំថត និង សរសើរមិនដាច់ពីមាត់ថា នាងស្រស់ស្អាត ហើយក្រៅពីស្រស់ស្អាត ក៏មានបេះដូងស្រលាញ់នូវអ្វីដែលជារបស់ខ្មែរ ដោយបានចូលរួមបំផុស និង ផ្សព្វផ្សាយជាហូរហែរនោះ។
កញ្ញាក៏នឹងគម្រោងច្នៃឈុតពីសំរាម និង កាកសំណល់ ហើយយកទៅថត នៅតំបន់សំខាន់ៗផ្សេងទៀត នៃប្រទេសកម្ពុជាផងដែរ ដើម្បីចូលបំផុស និង ផ្សព្វផ្សាយ ក្នុងនាមដែលនាងស្ថិតក្នុងតំណែងជាបវរកញ្ញា ដែលនឹងត្រូវតំណាងប្រទេសកម្ពុជា នាពេលខាងមុខនោះ។
