កាលពីល្ងាចថ្ងៃទី១៥ ធ្នូ ឆ្នាំ២០២៤ អគ្គនាយិកាក្រុមហ៊ុន Pichy P White លោកស្រី កាន់ ចន្ថា បានដឹកនាំកូនក្រុមជិត២០នាក់ ទៅកាន់រាជនីលង្វែក ខណៈដែលពេលវេលាកក្រុមរបស់លោកស្រីទៅដល់ ក៏ជាពេលវេលាត្រូវបិទបញ្ចប់កម្មវិធី ទេសនាមហាជាតក៌ ដែលមានការរុះរើកន្លែងលម្អផ្សេងៗតែម្ដង។
យ៉ាងណាមិញ លោកស្រី និង កូនក្រុម បានធ្វើអោយម្នាក់ៗមានការកោតសរសើរយ៉ាងខ្លាំង ដោយសារតែបានគ្រងឈុតបុរាណនាសម័យលង្វែក ដែលពេលចូលទៅកាន់បរិវេណពិធីស្រុះគ្នា គឺអ្នកណាៗក៏ទាក់ភ្នែកខ្លាំង។ នេះគឺជាការចូលរួមលើកស្ទួយទម្រង់វប្បធម៌ខ្មែរ ដែលធ្វើអោយអ្នកបានឃើញពីសកម្មភាពចូលរួមរបស់លោកស្រី មិនសរសើរមិនបាន ព្រោះជាការលើកកម្ពស់ទាំងវប្បធម៌ និង សាសនា។
លោកស្រី និង ក្រុមការងារថា សប្បាយចិត្ត ដែលបានគ្រងឈុតបែបនេះ មកកាន់ទីតាំងក្បែរអតីតរាជធានីលង្វែក ហើយលោកស្រីក៏នឹងបន្តការបំផុសពីការចូលរួមនេះផងដែរ ដើម្បីផ្សព្វផ្សាយពីវប្បធម៌ខ្មែរ ជាពិសេសនៅក្នុងកម្មវិធីធំៗ ដូចជាកម្មវិធីបុណ្យដ៏ធំនេះជាដើម។
