កាលពីរាត្រីថ្ងៃទី 07 ខែ ធ្នូ ឆ្នាំ 2024 មុននេះភាពយន្តរឿង « ទាយាទធ្មប់ » បានធ្វើការបើកសម្ភោធ និង ត្រៀមចាក់បញ្ចាំងជាផ្លូវការហើយ។រឿងនេះផងដែរក៏នឹងត្រៀមចាក់បញ្ចាំងនូវគ្រប់រោងភាពយន្តទូទាំងរាជធានីខេត្តក្រុងចាប់ពីថ្ងៃទី 12 ខែធ្នូ ឆ្នាំ 2024 នេះតទៅ។
អ្វីដែលកាន់តែភ្ញាក់ផ្អើលទៀតនោះគឺ ភាពយន្តខ្នាតធំនេះផងដែរក៏ត្រូវបានប្រមូលផ្ដុំទៅដោយតួអង្គសម្ដែងជើងចាស់ដែលសុទ្ធសឹងតែជាកំពូលតារាល្បីៗពោពេញទៅដោយសមត្ថភាពក្នុងនោះមានអ្នកនាង ស្វែង សុជាតា និង អ្នកនាង សារ៉ាយ សក្កណា ព្រមទាំកុមារី សារ៉ាពេជ្រ ម៉ានីកា រួមទាំងតារាកិត្តិយសល្បីៗជាច្រើនរូបផ្សេងទៀតបានចូលរួមសម្ដែងញ៉ំាងឱ្យផ្ទៃរឿងទាំងមូលកាន់តែមានរសជាតិពីមួយវគ្គទៅមួយវគ្គ។
ភាពយន្តរឿង « ទាយាទធ្មប់ » នេះផងដែរគឺជាភាពយន្តខ្នាតធំថ្មីចុងឆ្នាំដែលមិនត្រឹមតែជាភាពយន្តភ័យរន្ធត់ប៉ុណ្ណោះទេ តែមានបង្កប់នូវសេចក្តីស្រលាញ់យ៉ាងជ្រាលជ្រៅ របស់អ្នកម្តាយចំពោះកូន មិនតែប៉ុណ្នោះសាច់រឿងក៏បានបង្ហាញនូវមន្តខ្មៅងងឹត ការដាក់អំពើរ ដែលជាជំនឿអរូបិយមានតាំងពីយូយារណាស់មកហើយ ក៏ជាជំនឿមួយដែលបងប្អូនខ្មែររស់នៅសម័យថ្មីគួរតែចាប់អារម្មណ៍។
អ្នកបានទស្សនារឿងនេះមុនគេនៅក្នុងថ្ងៃដាក់សម្ភោធ Pre Screening បានលាន់មាត់សរសើរ និង recommended យ៉ាងច្រើនទៅដល់អ្នកនិយមទស្សនារឿងខ្មែរបែបរន្ធត់នេះ កុំឱ្យរំលងឱ្យសោះ ពីព្រោះថាអ្នកទស្សនាអាចនឹងទទួលបាននូវរសជាតិថ្មីនៃសាច់រឿងដែលអ្នកនិពន្ធបានផលិតឡើងយ៉ាងយកចិត្តទុកដាក់ និង ប្រកបទៅដោយគុណភាព ព្រមទាំងអ្នកសម្ដែងចូលតួបានល្អគួរឱ្យសរសើរ។
