មួយឈុតដ៏មានអត្ថន័យបន្សល់កេរ្តិ៍ពីអ្នកម្ដាុរបស់ ប្រាសាទ ដាវីន ឆ្នៃដោយហាងកាត់ដេរ បូរ៉ានិច

យោងតាមការបង្ហោះរបស់ផេកផ្លូវការ ហាងបូរ៉ានិចកាត់ដេរ បានបញ្ជាក់ថា មួយឈុតដែល Miss Universe Cambodia អ្នកនាង ប្រាសាទ ដាវីន កំពុងបង្ហាញនៅក្នុងកម្មវិធីផ្លូវការ នៅលើឆាកអន្តរជាតិ ក្នុងប្រទេសមិចស៊ិកនេះ គឺជាការច្នៃចេញពីក្រណាត់ដែលអ្នកនាង ប្រាសាទ ដាវីន ទទួលអំណោយពីម្ដាយ ហើយអ្នកនាងបានរក្សាទុកយូរឆ្នាំមកហើយ។

ជាមួយនឹងប្រវត្តន៍នៃក្រណាត់ជារបស់កេរម្ដាយនេះ ទើបមានការសរសើរយ៉ាងខ្លាំង នៅពេលដែលបវរកញ្ញារូបនេះ សម្រេចចិត្តប្រគល់អោយហាងបូរ៉ានិចច្នៃម៉ូដ សំខាន់គឺក្រោយច្នៃហើយ គឺស្អាតមិនធម្មតា។

អ្នកនាង បូរ៉ានិច ម្ចាស់ហាងបូរ៉ានិច បានសរសេរនៅលើផេកថា “❤️ក្រណាត់ដ៏មានតម្លៃនេះត្រូវបានរក្សាទុកដោយម្តាយរបស់ប្អូនស្រី តាំងពីពេលគាត់រៀបការ។ គាត់ជូនវាទៅកាន់កូនស្រី គាត់​ជឿ​ថា​វា​នឹង​នាំ​សំណាង​ដល់ដាវីន ពិតជាមានតម្លៃ❤️✨💫

❤️រឿងដែលរំភើបនឹងអស្ចារ្យបំផុតសំរាប់ខ្ញុំ នៅពេលដែលប្អូនស្រី Davin Prasath-ប្រាសាទ ដាវីនបានយកក្រណាត់មួយដុំនេះមកជួបខ្ញុំដើម្បីឆ្នៃម៉ូត ប្អូនស្រីបានប្រាប់ថា បងនេះជាកាដូររបស់អ្នកម្តាយអោយមក ខ្ញុំបានរក្សាទុក្ខអស់រយះពេលយូរហើយបង ❤️ពេលដឹងបែបនេះខ្ញុំពិតជារំភើបចិត្តជំនួសអ្នកម្តាយប្អូនខ្លាំងណាស់ ដែលមានកូនស្រីបានរក្សាទុក្ខរបស់ជាទីស្រលាញ់ ❤️របស់អ្នកម្តាយ ពេលវេលាដ៍មានតំលៃមួយនេះទើបប្អូនយកមកកាត់ដើម្បី ចូលរួមវគ្គសម្ភាសន៍ ក្នុងការប្រលង❤️ ❤️ដោយការគោរពដឹងគុណនឹងសេចក្តីស្រលាញ់ របស់ប្អូនចំពោះអ្នកម្តាយ❤️🫶
✨💫ផ្កាយសំណាងនឹងមានដល់ប្អូនស្រី ប្រាសាទ ដាវីន ❤️🌹🫶💫✨

🪡🧵ហាងកាត់ដេរបូរ៉ានិច សូមជូនពរប្អូនស្រីសំលាញ់ អោយមានតែលាភជ័យ សំណាងល្អ ហើយទទួលបានលទ្ធផល”។