ក្រោយពីទទួលបានការគាំទ្រយ៉ាងច្រើនកោះករពីសំណាក់ទស្សនិកជនអ្នកនិយមទស្សនាភាពយន្តរន្ធត់ ជាពិសេសភាពយន្តរឿង “ប្រមាញ់ព្រាយ២” M Pictures Cambodia បានសហការគ្នាជាមួយរោងភាពយន្ត Major Cineplex Cambodia បានពាំនាំនូវតួសម្តែងប្រុសស្រីប្រមាណ ៥រូប នៃភាពយន្តរឿងនេះមកកាន់ប្រទេសកម្ពុជាដើម្បីធ្វើការថ្លែងអំណរគុណទៅកាន់ទស្សនិកជនដែលបានគាំទ្រខ្លួនកន្លងមក។
ទស្សនិកជនអ្នកនិយាមទស្សនាភាពយន្ត និងអ្នកគាំទ្របានបង្ហាញអារម្មណ៍រំភើបរីករាយក្នុងការដែលខ្លួនបានជួបផ្ទាល់ជាមួយអ្នកសម្តែងទាំង ៥រូប និងបានមកទស្សនារឿង «ប្រមាញ់ព្រាយ២» កាលពីថ្ងៃទី០៨ ខែវិច្ឆិកា ឆ្នាំ២០២៤ កន្លងមកនេះនៅឯរោងភាពយន្ត Major Cineplex By Smart សាខាផ្សារទំនើបអ៊ីអនម៉លភ្នំពេញ និងសាខាអ៊ីអនម៉ល សែនសុខ។
ភាពយន្ត “ប្រមាញ់ព្រាយ២” ជាភាគថ្មីមួយដោយបង្ហាញយើងដឹងពី ដើមកំណើតរបស់ព្រាយឈុតខ្មៅ និង មូលហេតុនែការស្លាប់របស់វា និងមូលហេតុដែលវិញ្ញាណរបស់វានៅវិលវល់រហូតមកដល់បច្ចុប្បន្ន។ យក្សដែលជាកូនប្រុសប្បងក្និងគ្រួសារបានសុំ ឪពុកម្ដាយទៅតាមប្រមាញ់ព្រាយនេះ ដើម្បីកុំឲ្យវាធ្វើបាបអ្នកដទៃបានទៀត។
ក្រោមការនាំមកនូវភាពយន្តភ័យរន្ធត់ទម្រង់បច្ចេកវិទ្យាអេក្រង់យក្ស IMAX មកចែកជូនទស្សនិកជន M Picture Cambodia សង្ឃឹមថា ផលិតករក្នុងស្រុកអាចសិក្សាឈ្វេងយល់បន្ថែមពីការផលិតរឿងបែបរន្ធត់ សម្រាប់ចាក់ក្នុងសាល IMAX មកអភិវឌ្ឍន៍ការផលិតរឿងក្នុងស្រុកបាន ព្រោះរឿងដែលចាក់ក្នុង IMAX បានទាល់តែរឿងនោះមានគុណភាពស្តង់ដារភាពយន្ត និងបច្ចេកវិទ្យាខ្ពស់។
សូមជម្រាបផងដែរថាភាពយន្តរឿង «ប្រមាញ់ព្រាយ២» ឬ «Death Whisperer2» ភាពយន្តដ៏ព្រឺព្រួយដ៏មានភាពល្បីល្បាញដែលកំពុងចាក់បញ្ចាំងនៅគ្រប់រោងភាពយន្ត ចាំកាលទៀត កុំភ្លេចទៅទស្សនារឿងនេះឱ្យបានច្រើនកុះករ។
