ពីមួយវគ្គទៅមួយវគ្គ កាន់តែក្តៅទៅៗ ការប្រលងក៏កាន់តែតានតឹងសម្រាប់បេក្ខជន តែគួរឲចាប់អារម្មណ៍ បេក្ខជន សន ម៉េងលាង ក្នុងវគ្គពាក់កណ្តាលផ្តាច់ព្រ័ត្ត Sermi Final (Top3) បានបញ្ចេញសមត្ថភាពដ៏អស្ចារ្យ បានធ្វើឲគណៈកម្មការទាំង4រូបមានការភ្ញាក់ផ្អើលនឹងសរសើរមិនដាច់ពីមាត់។
ក្រៅពីមានសមត្ថភាពអាចច្រៀងចម្រៀងបានគ្រប់ទម្រង់ ហើយទទួលបានការគាំទ្រ និង មានការពេញចិត្តពីសំណាក់មហាជនយ៉ាងច្រើន រហូតឈានមកដល់វគ្គពាក់កណ្ដាលផ្ដាច់ព្រ័ត្តនេះ ក្រឡេកមកមើលសមត្ថភាពពិសេសៗដែលជា Background ដ៏គួរឱ្យចាប់អារម្មណ៍របស់បេក្ខជន សន ម៉េងលាង វិញក៏មិនធម្មតានោះដែរនៅក្នុងការដើរលើមាគ៌ាសិល្បៈក៏មិនតិចឆ្នាំនោះឡើយ។
បេក្ខជន សន ម៉េងលាង ធ្លាប់បានឆ្លងកាត់នូវបទពិសោធន៍ជាច្រើនឆ្នាំទម្រាំឈានជើងមកដល់បច្ចុប្បន្ននេះដោយ ក្នុងឆ្នាំ 2018 ម៉េងលាង ទទួលបានជ័យលាភី២ កម្មវិធីក្រម៉ាអាយដល (Krama Idol) ក្នុងប្រតិការណ៍បំបែកឯកកត្តកម្មពិភពលោកក្រម៉ា 1000 ម៉ែត្រ របស់ខ្មែរយើង។
មិនតែប៉ុណ្នោះលោកក៏ធ្លាប់បានឆ្លងកាត់ការប្រឡងសមត្ថភាពចម្រៀង និង ក្លាយជាម្ចាស់ពានជ័យលាភីលេខ១ នៅក្នុងកម្មវិធី The Battle of the bands ក្នុងឆ្នាំ 2020 ប្រលងចម្រៀងជាក្រុម ម៉េងលាង និង ក្រុម (Eternal Band)។
អ្វីដែគួរឱ្យភ្ញាក់ផ្អើល និង កាន់តែពិសេសជាងនេះទៅទៀតនោះគឺ ក្រៅពីអាចច្រៀងបានគ្រប់ទម្រង់លោក សន ម៉េងលាង ក៏មានទេពកោសល្យអាចសរសេរចម្រៀង និង ទំនុកភ្លេងដោយខ្លួនឯង រួមទាំងចេះប្រើប្រាស់ឧបករណ៍តន្ត្រីដូចជា ស្គរ អ័ក ហ្គីតា បានយ៉ាងល្អ គួរឱ្យសរសើរ។
ចំណុចដ៏ពិសេស និង ភាពក្រាញននៀលនៅក្នុងវិស័យសិល្បៈមិនបោះបង់អស់ ទាំងនេះហើយដែលជាកត្តាធ្វើឱ្យលោកក្លាយជាបេក្ខភាពដ៏សាកសម អាចនិយាយបានថាមានសមត្ថភាពគ្រប់គ្រាន់ក្នុងការក្លាយជាបេក្ខភាពដ៏ឆ្នើមឈានដល់វគ្គប្រទាញប្រទុងសម្លេងគាំទ្រ និង អង្រួនបេះដូងគណៈកម្មការឱ្យពិបាកដាក់ពិន្ទុ និង ពិបាកវិនិច្ឆ័យចំពោះសមត្ថភាពរបស់គ្រាប់ពេជ្ររូបនេះនៅក្នុងកម្មវិធី Cambodian idol រដូវកាលទី 5 នេះ។
រង់ចាំមើលថាតើ សន ម៉េងលាង អាចទទួលបានជោគជ័យ ឬ អាចដណ្ដើមពានបានឬទេនៅក្នុងវគ្គបន្តបន្ទាប់ កុំភ្លេចរង់ចាំទស្សនា និង ជួយផ្ញើរសារគាំទ្រជូនដល់បេក្ខភាពរូបនេះទៅតាមលក្ខត្តិកៈនៃកម្មវិធីជាបន្តបន្ទាប់។
