កាលពីថ្ងៃទី៤ ធ្នូ ឆ្នាំ២០២៣ លោក ផាត់ តារារដ្ឋ ស្ថាបនិកគ្រួសារតារាកម្ពុជា ដែលជាសែស្រឡាយព្រះរាជវង្សអង្គឌួង បានដឹកនាំសិល្បករជាច្រើនរូប ចូលរួមទិវារជនមានពិការភាពកម្ពុជាលើកទី២៥ និង ទិវារជនមានពិការភាពអន្តរជាតិ លើកទី៤១ តបតាមការយាង និង អញ្ជើញរបស់ លោកជំទាវ ញ៉ែម មរកត រដ្ឋលេខាធិការក្រសួងកិច្ចការនារី និង ជាប្រធានកិត្តិយស សមាគមតន្ត្រីសំនៀងជនពិការ និង តបតាមសំណើររបស់ ឯកឧត្តម ចាប តូ អនុរដ្ឋលេខាធិការក្រសួងសង្គមកិច្ច និង អតីតយុទ្ធជន។
វត្តមានសិល្បករសិល្បការិនីនៅក្នុងពេលនេះ គឺជាការរួមចំណែកចូលរួម និង ផ្សព្វផ្សាយ ដើម្បីកុំអោយមានការរើសអើងណាមួយ ទៅលើជនមានពិការភាព និង ដើម្បីបំផុសរាល់សកម្មភាពរបស់ជនមានពិការភាព អោយកាន់តែមានការទទួលស្គាល់ អោយកាន់តែទូលំទូលាយ។
លោក ផាត់ តារារដ្ឋ ក៏បានថ្លែងអំណរគុណ ដល់លោកជំទាវ ញ៉ែម មរកត និង ឯកឧត្តម ចាប តូរ ផងដែរ ដែលតែងតែផ្ដល់កិត្តិយស អោយសិល្បករគ្រួសារតារាកម្ពុជា បានចូលរួមសកម្មភាពសង្គមនាពេលកន្លងមក ក៏ដូចជានៅក្នុងពេលនេះ។
