ក្នុងចំណោមបេក្ខភាព ដែលកំពុងប្រកួតប្រជែងនៅក្នុងកម្មវិធី Mister Glam Cambodia គេកំពុងចាប់អារម្មណ៍យ៉ាងខ្លាំង ជាមួយនឹងវត្តមានរបស់បេក្ខជនវ័យក្មេង ស្រស់សង្ហារ លោក ពេជ្រមីនសុង ដោយសារតែលោកត្រូវគេស្គាល់ថាគឺជាគ្រូពេទ្យ ហើយកំពុងកាន់តំណែងជាម្ចាស់គ្លីនិកកែសម្ផស្សមួយកន្លែងទាំងវ័យក្មេង។
លោកត្រូវបានគេប្រកាសលើផេកថា 🇰🇭 បេក្ខជន ពេជ្រ មីនសុង
☑️ កម្ពស់ 173cm ទម្ងន់ 60kg ឆ្នាំកំណើត 1998 – មកពីខេត្តខេត្តក្រចេះ
☑️ បានដាក់ពាក្យចូលរួមប្រកួត វគ្គជម្រុះដំបូងនៃកម្មវិធី Mister Glam Cambodia 2023។ ជាមួយគ្នានោះ លោកក៏បានបង្ហោះលើអាក់ខោនផ្ទាល់ខ្លួន ដើម្បីអោយហ្វេនៗជួយបោះឆ្នោតសម្រាប់ការប្រកួតនេះផងដែរ ដោយសារតែលក្ខណ្ឌនៅក្នុងកម្មវិធី គឺអ្នកទទួលបាន Top ដែលមានអ្នក like ច្រើនជាងគេ នឹងជាប់ដោយស្វ័យប្រវត្តក្នុងវគ្គជម្រុះដំបូង។
ជាមួយនឹងវត្តមានបង្ហាញខ្លួននៅក្នុងការប្រកួតមួយនេះ គេជឿជាក់ថា លោក ពេជ្រ មីនសុង នឹងក្លាយជាបេក្ខភាពមួយរូប ដែលនឹងមានការគាំទ្រច្រើន ក្នុងចំណោមបេក្ខភាពទាំងអស់ ដោយសារតែលោកគឺជាអ្នកលេងបណ្ដាញសង្គម ដែលមានប្រជាប្រិយភាពស្រាប់នៅលើបណ្ដាញសង្គម និង ជាគ្រូពេទ្យវ័យក្មេងរូបសង្ហារ ដែលមានការចាប់អារម្មណ៍ស្រាប់ ជាពិសេសក្នុងចង្កោមហ្វេនៗ ដែលតែងតែនិយមផ្នែកសម្ផស្ស នៅក្នុងគ្លីនិកដែលលោកគឺជាម្ចាស់ផ្ទាល់។ ហ្វេនៗច្រើនណាស់ ជឿថាលោក ពេជ្រ មីនសុង នឹងទាញបានប្រជាប្រិយភាពច្រើន ក្នុងនាមជាបេក្ខភាពក្នុងការប្រកួតនេះ៕
