កាលពីថ្ងៃទី 16 ខែសីហា ឆ្នាំ 2020 មុននេះក្រុមហ៊ុន សេង ហាន ដែលជាក្រុមហ៊ុនអចលនទ្រព្យធំមួយបានសម្រេចបើកគ្រោងយក្សរបស់ខ្លួនស្ថិតនៅតាមបណ្ដោយផ្លូវធំមួយ នៅចន្លោះបង្គោលលេខ19 និងបង្គោលលេខ20 រហូតដល់ជិត 50 ហិកតាដែលក្រុមហ៊ុនចាត់ទុកថាជាគម្រោងយក្ស។ អ្វីដែលគួរកត់សម្គាល់ គឺគិតត្រឹមម៉ោងនៃពិធីកាត់ខ្សែបូរនោះ ដីឡូតិ៍រហូតដល់៤០ភាគរយ ត្រូវបានអតិថិជនសម្រុកទិញអស់ ដោយក្រុមហ៊ុនចាត់ទុកនេះគឺជាជោគជ័យមួយដ៏ធំ។
លោក ហែម ធឿន នាយកប្រតិបត្តិក្រុមហ៊ុន សេងហាន បានថ្លែងបញ្ជាក់ថានៅក្នុងគម្រោងដីឡូតិ៍ដែលជាគម្រោងទី7នេះ មានដីសរុបជាង 3000ឡូតិ៍ ដែលមានតម្លៃចាប់ពី 5000$ឡើងទៅនិងមានការបង់រំលោះជាប្រចាំខែផងដែរ ដោយក្នុងចំណោមឡូតិ៍ដែលពុះទាំងអស់ គឺប្រមាណ៤០ភាគរយត្រូវបានភ្ញៀវកក់យក។ តែអ្វីដែលសំខាន់នៅក្នុងគម្រោងនេះគឺក្រុមហ៊ុនមានការអភិវឌ្ឍជាផ្សារ សួនកុមារ ភោជនីយដ្ឋាន KTV និងមានគម្រោងផ្ទះល្វែងដែលធ្វើឱ្យគម្រោងទាំងមូលនឹងអ៊ូរអរមិនខុសពីទីប្រជុំជនមួយឡើយ។
លោកបន្ថែមថាក្នុងរយៈពេលនេះត្បិតថាកូវីដនៅមិនទាន់ស្ងប់ស្ងាត់មែនប៉ុន្តែជំនួញពុះដីឡូតិ៍របស់ក្រុមហ៊ុនសេងហាន ឃើញថាមានសន្ទុះ ដោយស្ទុះឡើងជាងកំឡុងពេលកូវីដផ្ទុះខ្លាំងរហូតដល់ជាង 80% ។ ជាក់ស្ដែងគម្រោងទី7ដែលទើបបើកដំណើរការនេះ គឺបានបើកលក់មួយរយៈមកហើយដោយគិតត្រឹមថ្ងៃបើកសម្ភោធលក់អស់រហូតដល់ជាង 40%។ លោកថានេះជាគម្រោងយក្សរបស់ក្រុមហ៊ុនព្រោះមានផ្ទៃដីធំជាងគម្រោងកន្លងមកនិងជាគម្រោងស្ថិតនៅក្នុងតំបន់អភិវឌ្ឍផ្លូវជាតិលដខ 41 ដែលមានសក្ដានុពលខ្លាំង។
គួរបញ្ជាក់ផងដែរថាគម្រោងទី 7 ដែលបនានបើកសម្ភោធនេះមានការចូើរួមពីសំណាក់អតិថិជនប្រមាណជាង 1000នាក់ ដោយលោកឧកញ្ញា យ សេងហាន និងលោកជំទាវ ម៉ៃ សុម៉ាលី ក៏បានចូលរួមកាត់ខ្សែរបូរជាគណអតិបតី នងមានមន្ត្រីមកពីបណ្ដាស្រុក មេភូមិ មេឃុំចូលរួមផងដែរ។
