កាលពីថ្ងៃទី១៨ សីហា ឆ្នាំ២០១៩ ក្រុមហ៑ុនអចលនទ្រព្យល្បីល្បាញបុរី វីអាយភី មិនត្រឹមតែធ្វើពិធីជួបជុំយ៉ាងគគ្រឹកគគ្រេងដោយមានមន្ត្រីអាជ្ញាធម៌ និងភ្ញៀវកិត្តិយសយ៉ាងច្រើនកុះករចូលរួមជាភ្ញៀវកិត្តិយសប៉ុណ្ណោះទេ បានទាំងរៀបចំការប្រគំតន្ត្រី និង ជប់លៀងក្នុងក្នុងទ្រង់ទ្រាយធំនោះផង។ តារាចម្រៀង និងតារាសម្ដែងល្បីៗជាច្រើនរូបត្រូវគេឃើញបង្ហាញខ្លួនក្នុងកម្មវិធីនោះ។
លោក វ៉ន វណ្ណៈ អគ្គនាយកបុរីវីអាយភី បានអះអាងថា ដោយសារតែល្បឿនក្នុងការលក់ចេញរបស់បុរីវីអាយភី នៅខេត្តកំពត ទទួលបានការគាំទ្រច្រើន ហើយសន្ទុះក្នុងការលក់ចេញក៍លឿនលើសពីការប៉ាន់ស្មាន ទើបលោកសម្រេចបើកគម្រោងទ្រង់ទ្រាយធំនៅខេត្តកំពត ដោយមានពិធីជប់លៀងជូនដល់បុគ្គលិក ជាក្រុមការងារ និងអតិថិជន ដើម្បីអោយបងប្អូនបានរាំលេងសប្បាយ និង បានទស្សនាសិល្បៈចម្រៀង និង ដើរម៉ូដ ទ្រង់ទ្រាយធំ មិនចាញ់កាលធ្វើសង្ក្រាននៅខេត្តព្រះសីហនុ។ លោកថាពិធីមួយនេះ ក៍មានការចូលរួមពីថ្នាក់ដឹកនាំ និងមន្ត្រីអាជ្ញាប្រចាំតំបន់យ៉ាងច្រើនផងដែរ ដោយលោកបានចាត់ទុកថាពិធី ជប់លៀង អមដោយតារាល្បីៗ កាលពីយប់នោះ គឺជាការជួបជុំគ្រួសារដ៍ធំរបស់បុរីវីអាយភី ក្រោយយពេលជោគជ័យលើមុខជំនួញដីធ្លី និងសាងសល់វិស័យអចនទ្រព្យជាលើកដំបូង ក្នុងខេត្តកំពត។ លោកថាបុរីវីអាយភីកំពុងបោះជំហានក្លាយជាទីក្រុងរណប និងជាផ្ទះស្នាក់នៅដែលជាជម្រើសដ៍ល្អរបស់អ្នកចង់មកកម្សាន្តនៅខេត្តកំពត ដែលកន្លងមកទឹកដីខេត្តនេះ ហាក់មិនសូវមានការចាប់អារម្មណ៍បង្កើតជាបុរីធំៗ។ ស្របគ្នាដែលលក្ខណ្ឌបង់រំលោះ និងតម្លៃដែលបានកំណត់ឡើង គឺតម្រូវចំពោះអ្នកមានជីវភាពមធ្យម និងធូរធារអាចទិញបានយ៉ាងស្រូួលផង ទើបទីតាំងបុរីVIP ទទួលបានការចាប់អារម្មណ៍ខ្លាំង លើទឹកដីកំពតតាំងពីបើកដំណើរការ។ លោកថានៅក្នុងបុរីនេះ ក្រៅពីមានវីឡាទោល វីឡាកូនកាត់ ផ្ទះល្វែង ក៍មានផ្សារ ហាងទំនើប និងសួនច្បារយ៉ាងផាសុកភាពក្នុងគម្រោងនោះផងដែរលម្អដោយផ្កាសាគូរ៉ា។
គួរបញ្ជាក់ផងដែរថា គម្រោងបុរីវីអាយភី បានប្រកាសឡើងនៅលើផ្ទៃដីជាង៣១ហិកតារ ដោយមានសំណង់ផ្ទះជុំវិញផ្សារសរុបជិត៥០០ល្វែង និងប្លង់ដីឡូតិ៍សម្រាប់លក់ប្រមាណជាង១០០០ប្លង់ គ្រប់ទំហ៑ំ។ គម្រោងវិនិយោគនេះ ស្ថិតនៅភូមិដំណាក់អំពិល ឃុំល្អាង ស្រុកដងទង់ ចម្ងាយ១២១គីឡូពីរាជធានីភ្នំពេញ និងប្រហែល២០គីឡូដល់ទីរួមខេត្ត ដែលជាតំបន់មានសក្កានុពលធំមួយ ប្រចាំខេត្តកំពត។ តម្លៃដីឡូរបស់គម្រោងត្រូវបានប្រកាសថាមានចាប់ពីជាង៧៨០០ដុល្លារឡើងទៅ និងជាង៣មុឺនដុល្លារឡើងទៅសម្រាប់តម្លៃផ្ទះ ដែលធ្វើអោយគេមើលឃើញភ្លាមៗថា វត្តមានរបស់ក្រុមហ៑ុនបុរីវីអាយភី នឹងធ្វើអោយគម្រោងអចលនទ្រព្យផ្សេងទៀតងាកទៅចាប់អារម្មណ៍ ដែលកាន់តែជួយអោយល្បឿនក្នុងការអភិវឌ្ឍន៍នៅខេត្តកំពតឈានឡើង ពោលគឺតម្លៃដីធ្លីនឹងហក់ឡើង។ វីអាយភី ក៍បានប្រកាសយុទ្ធសាស្ត្រអ្នកទិញដីឡូត៍ ឬទិញផ្ទះក្នុងគម្រោងនៅខេត្តកំពត ទទួលបានតូបមួយក្នុងផ្សារតកូនតចៅ ដោយឥតគិតថ្លៃផងដែរ ទើបគម្រោងមួយនេះ ហក់ចូលខេត្តកំពតមិនបានប៉ុន្មានផង ក៍មានសន្ទុះគាំទ្រមិនធម្មតា។
លោក វ៉ន វណ្ណៈ អគ្គនាយកក្រុមហ៑ុនបុរីវីអាភី បន្តគូសបញ្ជាក់ថា ហេតុផលដែលលោកសម្រេចចិត្តបោះទុនរាប់លានដុល្លារសាងសង់បុរីនៅលើទឹកដីនេះ ក៍ព្រោះតែលោកយល់ថា ខេត្តកំពតចាប់ផ្ដើមមានសក្កានុពលទាក់ទាញក្រុមអ្នកវិនិយោគច្រើនឡើងនាពេលចុងក្រោយ ខណៈដែលវិស័យដីធ្លីក៍មានសន្ទុះបន្ទាប់ពីដីធ្លីនៅខេត្តព្រះសីហនុក៍ចាប់ផ្ដើមចង្អៀត។ លោកថាទស្សនៈវិស័យរបស់ក្រុមហ៑ុន គឺចង់ជួយអភិវឌ្ឍន៍ទឹកដីកំពត អោយកាន់តែមានការឈានឡើង ដើម្បីទាក់ទាញគម្រោងវិនិយោគបន្តបន្ទាប់ និងដើម្បីបំពេញសេចក្ដីត្រូវការផ្នែកទេសចរណ៍ ដែលកំពុងឈានឡើង។ លោកប្រកាសថានឹងពង្រីកគម្រោងវិនិយោគរបស់ខ្លួននៅលើទឹកដីកំពតក្នុងទំហ៑ំផ្ទៃដីបន្តបន្ទាប់ទៀត ដើម្បីរួមចំណែកអោយខេត្តមួយនេះ កាន់តែមានការរីកចំរើន។
