សង្គម – ផ្ទះតារា – PHTEASDARA

អនិកជនខ្មែរនៅអាមេរិកមួយរូប កោតសរសើរអ្នកស្រី ប៉ូ ស្រីគង់ ចំពោះការមើលថែរទាំក្មេងៗកុមារកំព្រាក្នុងមណ្ឌល ស្នាមញញឹមថ្មីនៃក្ដីសង្ឃឹមរបស់កុមារ

សំណព្វ — Fri, 13 Feb 2026 08:30:20 +0000

កាលពីថ្ងៃទី12 ខែកម្ភៈ ឆ្នាំ2026មុននេះ លោក ប្រុស សេង កូនខ្មែររស់នៅសហរដ្ឋអាមេរិក បានដឹកនាំក្រុមការងារ ចុះយកជំនួយជួយដល់ សមាគម ស្នាមញញឹមនៃក្ដីសង្ឃឹមរបស់កុមារ បានយ៉ាងច្រើនដូចជា អង្ក ត្រីខ ទឹកត្រីទឹកស៊ីអ៊ីវ ទឹកដោះគោ គ្រឿងទេះ ទូរទស្សន៍2គ្រឿង កុំព្យូទ័រ 4គ្រឿង សំលៀកបំពាក់ ស្បែកជើងនិងសម្ភារៈផ្សេងៗទៀត ហើយថែមទាំងបានដុតគោ1ក្បាលធ្វើម្ហូបជាច្រើនយ៉ាងឈ្ងុយឆ្ងាញ់ មួយពេលដល់កុមារ ដើម្បីជាអបអរឱកាសបុណ្យចូលឆ្នាំចិន។

លោក ប្រុស សេង បានលើកឡើងថា នេះជាលើកទីមួយដែលលោកបានមកដល់មណ្ឌលកុមារកំព្រារមួយកន្លែងនេះ ហើយលោកក៏សប្បាយរីករាយយ៉ាងខ្លាំងរហូតដល់ថ្នាក់ស្រក់ទឹកភ្នែកពេលបានមកជួបក្មេងៗដោយផ្ទាល់ និង មានមោទនភាពចំពោះប្រធានមណ្ឌលផងដែរ ដែលអាចចិញ្ចឹមមើលថែក្មេងដែលសុទ្ធតែក្មេងកំព្រា ក្មេងរងគ្រោះ មកពីគ្រប់ទិសទី បានរហូតដល់ជាង១៣០នាក់ ហើយមើលថែបានយ៉ាងល្អទៀត ដែលចាត់ទុកថាជាភ័ព្វវាសនារបស់ក្មេងៗ ដែលបានមកជ្រកកោននៅក្នុងមណ្ឌលនេះ។

នៅក្នុងកម្មវិធីផងដែរ លោក ប្រុស សេង បានស្នើអោយក្មេងៗ ត្រូវចេះស្ដាប់បង្គាប់មណ្ឌល និង លោកគ្រូអ្នកគ្រូ ហើយត្រូវខិតខំរៀនសូត្រ ក្រេបយកចំណេះវិជ្ជា ដើម្បីក្លាយជាក្មេងល្អ និង មានអនាគតល្អ។

លោកស្រី ប៉ូ ស្រីគង ប្រធានសមាគមស្នាមញញឹមនៃក្ដីសង្ឃឹមកុមារ បានលើកឡើងថា ការចូលរួមចំណែក និង ចុះមកកាន់មណ្ឌលរបស់លោក ប្រុស សេង អនិកជនខ្មែររស់នៅសហរដ្ឋអាមេរិក ក៏ដូចជាក្រុមការងារ គឺជាការលើកទឹកចិត្តមួយដ៏ធំ ដល់លោកស្រី ដល់លោកគ្រូអ្នកគ្រូ និង ក្មេងៗទាំងអស់ ដែលត្រូវការនូវភាពកក់ក្ដៅ។

លោកថាមណ្ឌលនៅទីនេះ គឺពឹងអាស្រ័យទាំងស្រុង លើការរួមចំណែករបស់សប្បុរសជន ហើយក៏មកដល់របស់សប្បុរសជន គឺជាកាដូដ៏ធំរបស់កុមារ ដែលរស់នៅក្នុងមណ្ឌលទាំងមូល។

លោកស្រី ឡា សូឡី តំណាងលោកឧកញ៉ា កែវ ឡា នាំយកអំណោយជាច្រើន ថ្ងៃបវេសនកាល

សំណព្វ — Sat, 01 Nov 2025 06:55:50 +0000

កាលពីថ្ងៃទី១ វិច្ឆិកា ឆ្នាំ២០២៥ បណ្ដាសាលានៅទូទាំងប្រទេសបានបើកបវេសនកាលយ៉ាងគគ្រេង ដើម្បីបើកទំព័រឆ្នាំសិក្សាថ្មីបន្ទាប់ពីបានបញ្ចប់វិស្សមកាល។

ក្នុងនាមជាសប្បុរសជន និង ក្នុងនាមជា CEO របស់ ក្រុមហ៊ុន សូឡាគ្រុប លោកស្រី ឡា សូឡី បានជំនួសមុខអោយលោកឧកញ៉ា កែវ ឡា ជាឪពុក បាននាំយកជំនួយជាថវិកា និង សម្ភារៈសិក្សាជាច្រើន យកទៅប្រគល់ជូនគណគ្រប់គ្រងសាលាសឡា និង សិស្សានុសិស្សនៅទីនោះ ដើម្បីជាការលើកទឹកចិត្តថ្ងៃបើកបវេសនកាលថ្មី និង ដើម្បីបង្ហាញពីការយកចិត្តទុកដាក់ចំពោះលោកគ្រូអ្នកគ្រូ និង សិស្សសាលានៅលាលាបឋមសិក្សាសឡាទាំងមូល។

លោកស្រីបញ្ជាក់ថា ក្នុងនាមជា CEO របស់ក្រុមហ៊ុនសូឡាគ្រុប លោកស្រី និង លោកឪពុក គឺលោកឧកញ៉ា កែវ ឡា និង ក្រុមការងារ នៅតែមានការគិតគូរខ្ពស់ចំពោះសាលាបឋមសិក្សាសឡា ដោយនៅតែបន្តជ្រោមជ្រែងនូវការកសាងសមិទ្ធិផលបន្តបន្ទាប់ និង នៅតែបន្តចែកជូននូវសម្ភារៈសិក្សាជូនដល់ប្អូនៗ ក៏ដូចជាលោកគ្រូអ្នកគ្រូទាំងអស់ ដើម្បីអោយវិស័យសិក្សានៅក្នុងសាលាទាំងមូលកាន់តែមានការរីកចំរើន។

ទន្ទឹមនឹងការពាំនាំនូវការសួរសុខទុក្ខពីលោកឧកញ៉ា កែវ ឡា លោកស្រីក៏សន្យាថានឹងបន្តជួយជ្រោមជ្រែងដល់សាលាមួយនេះ នាពេលបន្តបន្ទាប់។

រំភើបជំនួស កូនខ្មែបង្កើតផលិតផលសាប៊ូដុសខ្លួន ផលិតក្នុងសិប្បកម្មនៅកម្ពុជា និង ត្រៀមចែកចាយឱ្យបានទៅក្រៅប្រទេស

សំណព្វ — Tue, 21 Oct 2025 17:39:44 +0000

ចាត់ទុកថាគឺមោទនភាពធំមួយ ដែលផលិតផលសាប៊ូដុសខ្លួនឈូកមាស អាចផលិតនៅក្នុងសិប្បកម្មក្នុងស្រុក ដែលការបង្កើតប្រេននេះ មិនត្រឹមជួយអោយមានកំណើនផលិតផលក្នុងស្រុកតែម្យ៉ាងនោះទេ តែក៏ជួយអោយសិប្បកម្មកាន់តែមានសង្វាក់ផលិតកម្មកាន់តែរឹងមាំ និង ជួយអោយបងប្អូនកូនខ្មែរ ដែលបំពេញការងារ នៅក្នុងសិប្បកម្មមានប្រាក់ចំណូលជាប្រចាំផងដែរ។

លោកស្រី សេង តារា CEO ប្រេនឈូកមាស បានលើកឡើងថា ដោយសារតែមើលឃើញថាតម្រូវការផលិតផលក្នុងស្រុក កាន់តែមានកំណើនកើនឡើង និង ដើម្បីឆ្លើយចំពោះពហិការរបស់កូនខ្មែរ ទៅលើផលិតផលសៀម ទើបក្រុមហ៊ុនរបស់លោកស្រីសម្រេចចិត្តបង្កើតប្រេននេះឡើង។

មកទល់បច្ចុប្បន្ន សាប៊ូដុសខ្លួនឈូកមាសមានសាប៊ូដុសខ្លួនចំនួន៣ក្លិន គឺក្លិនម្លិះ ក្លិនត្រសក់ស្រូវ និង ក្លិនទឹកអប់ ដោយសារសាប៊ូប្រភេទនេះ

093609168 / 093609168

DJ Nana និង លោក Sai ប្រកាសជំហរគាំទ្រពេញទំហឹងជាមួយយុទ្ធនាការ « រួមគ្នាជួយសង្រ្គោះកុមារមានជំងឺមហារីក » របស់មន្ទីរពេទ្យកុមារអង្គរ ក្នុងឆ្នាំ 2025

សំណព្វ — Mon, 06 Oct 2025 13:26:32 +0000

កាលពីថ្ងៃទី 06 ខែ តុលា ឆ្នាំ 2025 មុននេះ មន្ទីរពេទ្យកុមារអង្គរ បានធ្វើពិធីសម្ភោធប្រកាសជាផ្លូវការនូវយុទ្ធនាការ « រួមគ្នាជួយសង្រ្គោះកុមារមានជំងឺមហារីក » ដោយមានការគាំទ្រពីសំណាក់ក្រុមហ៊ុន ប៉េង ហួត គ្រុប។

ឆ្លៀតក្នុងឱកាសនេះផងដែរមន្ទីរពេទ្យកុមារអង្គរក៏បាន បង្ហាញមុខទូតសុឆ្ឆន្ទៈកិត្តិយស2រូបរួមមាន DJ Nana និង លោក Sia ដែលជាអ្នកផលិតមាតិការនៅលើបណ្ដាញសង្គមដ៏ល្បី និង មានឥទ្ធិពលដើម្បីចូលរួម និង ជាកម្លាំងរុញច្រានឱ្យយុទ្ធនាការមួយនេះកាន់តែមានភាពទូលំទូលាយទូទាំងប្រទេសដើម្បីជួយដល់ជីវិតក្មេងៗដែលកំពុងជួបប្រទះនូវជម្ងឺរមហារីក។

យុទ្ធនាកានេះផងដែរបង្កើតឡើងនៅក្នុងគោលបំណងដើម្បីរៃអង្គាសថវិការពីសប្បុរសជនទាំងអស់ដើម្បីរួមចំណែកក្នុងការជួយសង្គ្រោះដល់ក្មេងៗដែលកំពុងសម្រាកព្យាបាល នៅក្នុងមន្ទីរពេទ្យ កុមារអង្គរ ខណៈយោងតាមទិន្នន័យ ជារៀងរាល់ ៤០នាទី មានមនុស្សម្នាក់ស្លាប់ដោយជំងឺមហារីកនៅកម្ពុជា សម្រាប់កុមារនៅប្រទេសកម្ពុជា អត្រារស់រានមានជីវិតមានតែ ២០% ប៉ុណ្ណោះ ដែលជាទិន្នន័យមួយមិនគួរឱ្យនឹកស្មាន។

ហើយនៅរយៈពេល៤សប្តាហ៍ ក្នុងខែ តុលា ឆ្នាំ ២០២៥ មន្ទីរពេទ្យកុមារអង្គរនឹងផ្សព្វផ្សាយយុទ្ធនាការរៃអង្គាសថវិកា « យុទ្ធនាការរួមគ្នាជួយសង្រ្គោះកុមារមានជំងឺមហារីក » ដើម្បីផ្សព្វផ្សាយអំពីសេវាពិនិត្យ ព្យាបាលជំងឺមហារីកកុមារប្រមាណ ៣០ប្រភេទខុសៗគ្នា។

គួរបញ្ជាក់ផងដែរថា មន្ទីរពេទ្យកុមារអង្គរ បានបើកដំណើរការព្យាបាល និង ប្រឹក្សាផ្នែកជំងឺមហារីក តាំងពីឆ្នាំ២០១២ និង នៅពេលបច្ចុប្បន្ននេះ មន្ទីរពេទ្យកំពុងបន្តផ្ដល់ការពិនិត្យ ប្រឹក្សា និងព្យាបាលដល់កុមារដែលមានជំងឺមហារីក ប្រមាណ៧០០ករណីរួចមកហើយ។

តាមរយៈការគាំទ្រ និង ចូលរួមពី Dj Nana និង លោក Sai អ្នកទាំងពីររូបសង្ឃឹមយ៉ាងមុតមាំថា យុទ្ធនាការរៃអង្គាសមួយនេះ ជឿជាក់ថាពុកម៉ែបងប្អូននៅកម្ពុជាទាំងអស់គ្នានឹងចូលរួមជាមួយពួកយើង មិនថាតិចក្ដីច្រើនក្ដីតាមលទ្ធភាពរបស់បងប្អូន ដើម្បីជួយដល់កុមារដែលកំពុងមានជំងឺមហារីកគ្រប់រូបអាចទទួលបានឱកាសព្យាបាលដែលល្អបំផុត។

រួមគ្នាជាមួយ Dj Nana និង លោក Sai ដើម្បីផ្សព្វផ្សាយ ចែករំលែកចំណេះដឹង និងធានាថាកុមារគ្រប់រូបអាចទទួលការព្យាបាលជំងឺមហារីកដែលមានគុណភាពមួយ។

មន្ទីរពេទ្យកុមារអង្គររ ផ្ដល់ឲ្យកុមារគ្រប់រូបទទួលបានឱកាសព្យាបាល និង ប្រយុទ្ធជំងឺក៏កាចសាហាវនេះគ្រប់ៗគ្នា។ ហើយមិនតែប៉ុណ្នោះក្រុមវេជ្ជបណ្ឌិតឯកទេសជំងឺមហារីកតែងតែផ្តល់ផ្ដល់ការព្យាបាលដោយថ្នាំគីមី អាហារូបត្ថម្ភ និង ការគាំទ្រផ្លូវចិត្ត ដោយឥតគិតថ្លៃ សម្រាប់កុមារ និង គ្រួសាររបស់ប្រជាជនគ្រប់ៗរូប។

សូមជួយមន្ទីរពេទ្យកុមារអង្គរ ដើម្បីឱ្យយើងអាចបន្តផ្តល់ការថែទាំសុខភាពដល់កុមារតាមរយៈការបរិច្ចាគ៖ ស្កេន QR ដែលមានបង្ហោះនៅលើផេកផ្លូវការរបស់មន្ទីរពេទ្យទំនាក់ទំនង៖ 016 725 735 រួមគ្នាដើម្បីសង្គ្រោះជីវិតកុមារមានជម្ងឺរមហារីក។

ម្ចាស់ហាងពេជ្រ La Gold ទទូចកុំអោយមើលរំលងតាតាធាក់ស៊ីក្លូ

សំណព្វ — Mon, 15 Sep 2025 08:47:21 +0000

ក្នុងពិធីចែកនំបញ្ចុកឆ្ងាញ់របស់បងស្រីធំ កាលពីព្រឹកថ្ងៃទី១៥ កញ្ញា ឆ្នាំ២០២៥ លោកស្រី ម៉ៅ សុខា ដែលគេស្គាល់ថាគឺជា ម្ចាស់ហាងពេជ្រ La Gold បានសម្ដែងនូវការអាណិតអាសូរយ៉ាងខ្លាំងចំពោះលោកតាស៊ីក្លូចាស់ ដោយលោកស្រីយល់ថា វ័យរបស់ពួកគាត់ គួរតែបានសម្រាក ប៉ុន្តែបែរជាត្រូវមកគេងនៅលើស៊ីក្លូ ហើយរស់នៅគ្មានផ្ទះសម្បែង ដែលពេលឈឺជាក្ដៅរងារមិនដឹងអ្នកណាជួយ។

លោកស្រីថា កាន់តែក្ដុកក្ដួលចិត្ត នៅពេលឮថាបងប្អូនសប្បុរសជនមិនសូវសស្រាក់សស្រាំជួយដល់តាតាស៊ីក្លូច្រើនដូចមុន ស្របពេលដែលពួកគាត់ ក៏មិនសូវមានម៉ូយជិះ ឬ ដឹក ដែលអាចរកចំណូលបានច្រើន។

លោកស្រីសប្បាយចិត្ត ដែលបានរួមចំណែកជាមួយបងស្រីធំ ក្មុងការធ្វើនំបញ្ចុកឆ្ងាញ់យកមកចែកជូន ហើយលោកស្រីក៏បានផ្ដល់នូវថវិកាបន្ថែមជូនដល់ពួកគាត់ផងដែរ ដើម្បីចែករំលែកក្ដីស្រលាញ់។

លោកស្រីទទូចអោយបន្តយកចិត្តទុកដល់ក្រុមតាស៊ីក្លូ ហើយប្រសិនបើអាចសូមបន្តចែករំលែកជួយគាត់អោយបានញឹកញាប់ ដើម្បីអោយតាតាស៊ីក្លូកាន់តែមានស្នាមញញឹម និង ក្ដីសង្ឃឹមខ្ពស់។

លោកស្រីថាបើទោះជារយៈពេលចុងក្រោយ បានចំណាយធនធានច្រើន ក្នុងការជួយដល់វិស័យកងទ័ព ជួយដល់កុមារកំព្រា និង ជួយដល់ទុរគតជនផ្សេងទៀត តែសម្រាប់លោកតាលោកតាជាអ្នកធាក់ស៊ីក្លូ គឺលោកស្រីនៅតែធ្វើសកម្មភាពជាមួយញឹកញាប់ជាងគេ។

ជាក់ស្ដែងអោយតែដល់រដូវខែផ្លែឈើ លោកស្រីចំណាយទិញទុរេនម្ដងៗ១០០គីឡូ បកចែកជូនដោយពួកគាត់ ដើម្បីអោយពួកគាត់បានហូបឆ្ងាញ់ៗ។

លោកស្រីប្រកាសជំហថា នឹងបន្តធ្វើការងារសង្គមអោយកាន់តែច្រើន ដើម្បីរួមចំណែកជួយដល់សង្គម។

ម្ចាស់ហាង នំបញ្ចុកឆ្ងាញ់បងស្រីធំ ចែកទានដល់បងប្អូនអ្នកធាក់ស៊ីក្លូប្រមាណ 300កញ្ចប់ នាឱកាសដាក់បិណ្ឌនេះ ជាមួយបងប្អូនសិល្បករ

សំណព្វ — Mon, 15 Sep 2025 08:36:30 +0000

កាលពីព្រឹកថ្ងៃទី១៥ កញ្ញា ឆ្នាំ២០២៥ បងស្រីធំ ដែលជាម្ចាស់ហាងនំបញ្ចុកឆ្ងាញ់យីហោបងស្រីធំ បានដឹកនាំសប្បុរសជន និង សិល្បករជាច្រើនរូប ចុះចែកអំណោយជូនដល់អ្នកធាក់ស៊ីក្លូប្រមាណ៣០០នាក់ នៅខាងក្រោយទីស្ដីការគណរដ្ឋមន្ត្រី។ បងស្រីធំ ដែលជាអ្នកផ្ដើមគំនិត បាននាំយកនំបញ្ចុកឆ្ងាញ់ ដែលជាម៉ាកយីហោនំបញ្ចុកល្បីប្រចាំហាង យកទៅចែកជូនដោយផ្ទាល់។

វត្តមាននៅក្នុងថ្ងៃនោះរួមមាន លោកស្រី ម៉ៅ សុខា ម្ចាស់ហាងពេជ្រ La Gold លោកស្រី ម៉ម សុម៉ាលី និង សិល្បករសិល្បការិនី៣រូប គឺ អ្នកនាង គឹម លីហ្សា អ្នកនាង សារ៉ាយ សក្កណា និង លោក ជា សុវណ្ណនរាហ៍ ដែលសប្បុរសជនទាំងអស់ ក៏បានរួមចំណែកបរិច្ចាគជាថវិកា និង អំណោយផ្សេងៗ។

បងស្រីធំ បានលើកឡើងថា នេះជាទឹកប្រាក់ដែលលោកស្រីបានសន្សំប្រមាណជាង១ខែ ហើយហេតុផលដែលលោកស្រីបានដឹកនាំប្អូនៗមកចែកជូនដល់តាតាស៊ីក្លូ ក៏ព្រោះតែចង់ចែករំលែកក្ដីស្រលាញ់ និង ចង់ធ្វើបុណ្យជូនពួកគាត់ ក្នុងឱកាសកាន់បិណ្ឌ។

បងស្រីថា នេះមិនមែនជាលើកទី១ទេ ពោលគឺតែងតែធ្វើនំបញ្ចុកឆ្ងាញ់បែបនេះយកទៅជូនជាញឹកញយមកហើយ ដោយគ្រាន់តែលើកនេះគឺជាការចែករំលែកជាទ្រង់ទ្រាយធំ។

លោកស្រីថា ដោយសារតែនំបញ្ចុកបងស្រីធំកាន់តែទទួលបាននូវការគាំទ្រ ទើបតែងតែផ្ដើមគំនិតធ្វើបុណ្យ ដើម្បីអោយពូពូតាតាស៊ីក្លូ មានស្នាមញញឹមក្នុងឱកាសបុណ្យទាន។ ខាងក្រោមនេះគឺជារូបភាពខ្លះដែលទើបបញ្ចប់៖

ស្ងាត់ៗកូនខ្មែររូបនេះ បានរួមចំណែកសាងសង់ព្រលានយន្តហោះថ្មី

សំណព្វ — Sat, 13 Sep 2025 07:29:18 +0000

មិនមែនជារឿងលេងសើចនោះទេ ដែលកូនខ្មែរមួយរូប អាចផលិតផលិតផលសំខាន់ៗជាច្រើន ហើយផលិតផលទាំងនោះ ត្រូវបានវិស្វករជ្រើសយកមករួមចំណែកសាងសង់ព្រលានយន្តហោះ Techo International Airport ដែលអ្នកមិនបានដឹងគិតថាប្រហែលព្រលានមួយនេះ យកគ្រឿងបង្គំ និង ផលិតផលផ្សេងៗមកពីក្រៅប្រទេសទេ ដើម្បីអោយព្រលានដែលទើបរួចរាល់ មានភាពរឹងមាំ និង ប្រណិត។

លោកឧកញ៉ា កែវ បូណ៍ភិរក្ស អគ្គនាយក ក្រុមហ៊ុន បូទីកា (Botica Cambodia) និង បុរីឡុងនី បានលើកឡើងថា វត្តមានរបស់ Techo Airport International គឺបង្ហាញយ៉ាងច្បាស់ថា កម្ពុជាអ្វីក៏អាចធ្វើបាន ហើយនឹងមានការរីកចំរើនលើគ្រប់វិស័យ ពិសេសគឺវិស័យអាកាសចរនៅក្នុងពេលនេះ។

លោកឧកញ៉ាថា គឺជារឿងដែលមោទនភាពដ៏ធំដែលកម្ពុជាអាចស្ថាបនាបានព្រលាននេះ ហើយអ្វីដែលកាន់តែធ្វើអោយលោកឧកញ៉ាបង្ហាញនូវមោទនភាពមិនអាចកាត់ថ្លៃបានទៅទៀត គឺព្រលានមួយនេះបានជ្រើសរើសផលិតផលជាច្រើនមុខពីបូទីកា ដែលជាក្រុមហ៊ុនផលិតដោយស្នាដៃកូនខ្មែរ នឹងជារបស់លោក ដែលអាចអោយផលិតផលរបស់លោក បានរួមចំណែកក្នុងសាងសង់ហេដ្ឋារចនាសម្ព័ន្ធនៅក្នុងព្រលាននេះទាំងមូល ដោយរាប់បញ្ចូលទាំងការផ្គត់ផ្គង់គ្រឿងបរិក្ខា និង ផលិតផលផលិតដោយកូនខ្មែរជាច្រើនមុខ ដូចជា ស៊ីម៉ង់ ម៉ាប ផលិតផលការពារជម្រាបទឹក និង ផលិតផលជាច្រើនទៀត ដែលព្រលានយន្តហោះថ្មីនេះ បានជ្រើសយកមកប្រើប្រាស់ ដែលបញ្ជាក់យ៉ាងច្បាស់ថា កូនខ្មែរនាពេលបច្ចុប្បន្នក៏មានសមត្ថភាពអាចផលិតបាននូវសម្ភារៈ និង ផលិតផលស្ដង់ដាររាប់មិនអស់ ដោយមិនចាំបាច់អោយវិស្វករជំនាញត្រូវចំណាយខ្ពស់នាំចូលផលិតផលមកពីប្រទេសខាងក្រៅ នៅពេលស្ថាបនា ឬ សាងសង់គម្រោងធំៗ ដូចជាព្រលានយន្តហោះ តេជោ នេះជាដើម។

ក្រៅពីកោតសរសើរចំពោះស្នាដៃថ្មី ដែលទើបដំណើរការ លោកឧកញ៉ា ក៏បង្ហាញជំហរមិនរិះគន់លើសកម្មភាពរបស់លោកតាលោកយាយ ដែលបានសម្រុកមកទស្សនានៅព្រលានច្រើនៗជារៀងរាល់ថ្ងៃ ដែលកំពុងផ្ទុះការវែកញែកនៅលើបណ្ដាញសង្គម។

លោកឧកញ៉ា បានគូសបញ្ជាក់ថា ចំពោះសកម្មភាពរបស់លោកតាលោកយាយ គួរតែមានការលើកទឹកចិត្ត និង កោតសរសើរពីការចំណាយធនធានរបស់ពួកគាត់ ព្រោះតែចង់ឃើញព្រលានដ៏អស្ចារ្យនេះជំនួសវិញ ព្រោះបើពួកគាត់មិនរំភើប មិនចូលរួមអបអរ ប្រហែលជាបងប្អូនខ្មែរទាំងនោះ មិនខំចំណាយធនធាន និង ពេលវេលាមកលេងដល់ទីតាំងយ៉ាងកកកុញជារៀងរាល់ថ្ងៃបែបនេះនោះទេ។

លោកឧកញ៉ាក៏បានប្រកាសជំហរចំពោះការបន្តធ្វើពហិកាមិនប្រើផលិតផលរបស់ពួកផ្ទះលេខ២ដូចគ្នានឹងបងប្អូនកូនខ្មែរផងដែរ ដោយចាត់ទុកថា គឺជាឱកាសអាចអោយបណ្ដាម្ចាស់សិប្បកម្ម និង រោងចក្រឧស្សាហកម្មទាំងអស់ បានបញ្ចេញស្នាដៃ និង ជំនួសអោយផលិតផលសៀម ដែលខ្មែរប្រកាសមិនប្រើប្រាស់។ លោកឧកញ៉ាថា បើខ្មែរសាមគ្គីគ្នាបានល្អ មិនយូរទេសេដ្ឋកិច្ចខ្មែរនឹងខ្លាំង ហើយសមិទ្ធិផលធំៗ ដូចគ្នានឹងព្រលានថ្មីនេះ ក៏នឹងបន្តការលេចឡើងជាបន្តបន្ទាប់ផងដែរ ដោយសារតែចរន្តលុយ ដែលខ្មែរចរាចរទិញដូរគ្នាទៅវិញទៅមក មិនហូរចេញក្រៅ។

ឧកញ៉ា ចេង ខេង អគ្គនាយកក្រុមហ៊ុន CPL ដែលបានចុះចតក្នុងព្រលានថ្មី ជាមួយផងដែរ បានលើកឡើងថា គឺជាមោទនភាពធំណាស់ ដែលក្រុមហ៊ុនបូទីកា អាចផលិតបាននូវផលិតផលសំខាន់ៗជាច្រើនក្នុងវិស័យគ្រឿងសំណង់ និង សាងសង់ ដើម្បីចូលរួមអោយថ្នាក់ដឹកនាំជ្រើសយកមកប្រើ ក្នុងការសាងសង់ព្រលានយន្តហោះថ្មី និង សមិទ្ធិផលជាច្រើនទៀត នៅក្នុងប្រទេស ដែលបញ្ចៀសនូវការនាំចូល ដែលនាំអោយកម្ពុជាត្រូវហូរលុយចេញក្រៅ។

លោកឧកញ៉ាថា ផលិតផលកូនខ្មែរឥលូវមិនត្រឹមតែសំបូរបែបទេ សូម្បីគុណភាពក៏ស្តង់ដារដែរ ទើបត្រូវទទួលស្គាល់ដោយវិស្វករជំនាញ ហើយឈានដល់ការជ្រើសយកមកប្រើក្នុងការសាងសង់សមិទ្ធិផលធំៗ។

ជាមួយនឹងការរិះគន់ចំពោះលោកតាលោកយាយដែលត្រូវគេរិះគន់ថា បានបង្កអោយបរិយាកាសនៅក្នុងព្រលានថ្មីមិនមានសណ្ដាប់ធ្នាប់ លោកឧកញ៉ា បានបញ្ចេញទស្សនៈថា ធម្មតាសមិទ្ធិផលនៅក្នុងប្រទេសណាក៏ដោយ អោយតែទើបបង្ហាញថ្មី តែងតែមានមនុស្សឈូរឆរទៅមើលកកកុញ ដែលចលនាអ៊ូរអរទាំងនោះ រមែងត្រូវបានគេសម្គាល់ថា បណ្ដាលអោយខ្វះសណ្ដាប់ធ្នាប់។

ក្នុងនាមជាកូនខ្មែរ លោកឧកញ៉ាថា គួរតែលើកទឹកចិត្ត និង សាទរចំពោះវត្តមានរបស់ពួកគាត់ ដែលខំចំណាយធនធាន ហើយស្កាត់មកមើលដោយផ្ទាល់។ ផលោកឧកញ្ញា ក៏បង្ហាញនូវមោទនភាពផងដែរ ដែលកម្ពុជាអាចសម្រេចបាននូវព្រលានយន្តហោះថ្មីខ្នាតយក្ស និង ធំលំដាប់ទី៩នៅលើពិភពលោក ដែលបង្ហាញថាកម្ពុជា កំពុងតែមានការរីកចំរើន និង អាចប្រកួតប្រជែងក្នុងតំបន់បានជាប្រវត្តិសាស្ត្រ សម្រាប់វិស័យអាកាសចរណ៍។

ចុះពីយន្តហោះភ្លាម កូនខ្មែរ២រូប លើកឡើងបែបនេះ ចំពោះព្រលានយន្តហោះថ្មី

សំណព្វ — Sat, 13 Sep 2025 05:33:19 +0000

ខណៈដែលកូនខ្មែរទូរទាំងប្រទេសកំពុងផ្ទុះការចាប់អារម្មណ៍នឹងរឿងតាតាយាយយាយពីគ្រប់ទិសទី មកទស្សនាព្រលានយន្តហោះថ្មី Techo International Airport និង មានការរិះគន់ចំពោះវត្តមានរបស់ពួកគាត់ លោកឧកញ៉ា២រូប ដែលជាកូនខ្មែរ ដែលទើបបញ្ចប់បេសកកម្មនៅក្រៅប្រទេស ក៏បង្ហាញនូវការចាប់អារម្មណ៍ផងដែរ ឆ្លើយតបនឹងអ្នករិះគន់ចំពោះវត្តមានកកកុញរបស់បងប្អូនកូនខ្មែរលោកតាលោកយាយ នៅក្នុងបរិវេណព្រលានថ្មីនេះ។

ឧកញ៉ា ចេង ខេង អគ្គនាយកក្រុមហ៊ុន CPL បានលើកឡើងថា ធម្មតាសមិទ្ធផលដែលទើបបង្ហាញថ្មី មិនថាស្ថិតក្នុងប្រទេសណានោះទេ គឺតែងតែបើកចំហរអោយមានការចូលទស្សនា និង ចូលថតរូប ដើម្បីជាផ្សព្វផ្សាយ។ លោកឧកញ៉ាថា ក្នុងនាមជាកូនខ្មែរ គួរតែលើកទឹកចិត្ត និង សាទរចំពោះវត្តរបស់ពួកគាត់ ដែលបានចំណាយធនធានស្កាត់មកមើលពីសមិទ្ធិផលដែលកូនខ្មែរបង្កើតឡើង បើទោះជាសកម្មភាពរបស់ពួកគាត់នៅក្នុងបរិវេណព្រលានអាចថាមិនសមភ្នែកខ្លះ។

ជាមួយគ្នានោះលោកឧកញ្ញា ក៏បង្ហាញនូវមោទនភាពផងដែរ ដែលកម្ពុជាអាចសម្រេចបាននូវព្រលានយន្តហោះថ្មីខ្នាតយក្ស និង ធំលំដាប់ទី៩នៅលើពិភពលោក ដែលបង្ហាញថាកម្ពុជា កំពុងតែមានការរីកចំរើន និង អាចប្រកួតប្រជែងក្នុងតំបន់បានជាប្រវត្តិសាស្ត្រ សម្រាប់វិស័យអាកាសចរណ៍។

មិនខុសគ្នាដែរ លោកឧកញ៉ា កែវ បូណ៍ភិរក្ស អគ្គនាយក ក្រុមហ៊ុន បូទីកា ( Botica Cambodia) និង បុរីឡុងនី បានលើកឡើងថា វត្តមានរបស់ Techo Airport International គឺបង្ហាញយ៉ាងច្បាស់ថា កម្ពុជាអ្វីក៏អាចធ្វើបាន ហើយនឹងមានការរីកចំរើនលើគ្រប់វិស័យ ពិសេសគឺវិស័យអាកាសចរនៅក្នុងពេលនេះ។ លោកឧកញ៉ាថា គឺមោទនភាពដ៏ធំដែលកម្ពុជាអាចស្ថាបនាបានព្រលាននេះ ហើយអ្វីដែលកាន់តែធ្វើអោយលោកឧកញ៉ាបង្ហាញនូវមោទនភាពមិនអាចកាត់ថ្លៃបានទៅទៀត គឺព្រលានមួយនេះបានជ្រើសរើសផលិតផលជាច្រើនមុខរបស់បូទីកា ដែលផលិតដោយស្នាដៃកូនខ្មែរ នៅក្នុងក្រុមហ៊ុនរបស់លោក យកមកសាងសង់ហេដ្ឋារចនាសម្ព័ន្ធនៅក្នុងព្រលាននេះទាំងមូល ដោយរាប់បញ្ចូលទាំងគ្រឿងបរិក្ខា ម៉ាប ផលិតផលការពារជម្រាបទឹក និង ផលិតផលជាច្រើនទៀត ដែលបញ្ជាក់យ៉ាងច្បាស់ថា កូនខ្មែរនាពេលបច្ចុប្បន្នក៏មានសមត្ថភាពអាចផលិតនូវសម្ភារៈ និង ផលិតផលស្ដង់ដាររាប់មិនអស់ ដោយមិនចាំបាច់ទាល់តែធ្វើការនាំចូល ឬ ទិញពីគេ នៅពេលមានគម្រោងសាងសង់សមិទ្ធិផលនីមួយៗ។

ក្រៅពីមិនរិះគន់សកម្មភាពរបស់លោកតាលោកយាយ ដែលសម្រុកមកលេងព្រលានច្រើនៗរាល់ថ្ងៃ លោកឧកញ៉ា បានលើកឡើងថា គួរតែលើកទឹកចិត្ត និង កោតសរសើរពីការចំណាយធនធានរបស់បងប្អូនខ្មែរ ដែលបានមកមើលព្រលានយ៉ាងកកកុញនៅក្នុងពេលនេះ ព្រោះជាសកម្មភាពដែលបង្ហាញថាពួកគាត់មោទនភាព និង សប្បាយចិត្តនឹងវត្តមានរបស់សមិទ្ធិផលនេះ។

ជាមួយគ្នានោះ លោកឧកញ៉ាក៏ប្រកាសជំហរចំពោះការបន្តធ្វើពហិកាមិនប្រើផលិតផលរបស់ពួកផ្ទះលេខ២ផងដែរ ដើម្បីបណ្ដាសិប្បករ និង ឧស្សាហករណ៍ខ្មែរមានឱកាស បញ្ចេញស្នាដៃ និង ផលិតនូវផលិតផលជំនួសអោយផលិតផលសៀម ដែលខ្មែរប្រកាសមិនប្រើប្រាស់នោះ។

លោកឧកញ៉ាថា បើខ្មែរសាមគ្គីគ្នាបានល្អ មិនយូរទេសេដ្ឋកិច្ចខ្មែរនឹងខ្លាំង ហើយសមិទ្ធិផលធំៗ ដូចគ្នានឹងព្រលានថ្មីនេះ ក៏នឹងបន្តការលេចឡើងជាបន្តបន្ទាប់ផងដែរ។

វ័យជាង៦០ទៅហើយ តែលោកស្រី សុខ ហេង នៅតែចាក់កន្សែង អភិរក្សសិប្បកម្មខ្មែរ

សំណព្វ — Wed, 10 Sep 2025 11:26:23 +0000

នៅលើផេក ពិភពម៉ូតកន្សែងខ្មែរ បានធ្វើការបង្ហោះលក់ម៉ូតកន្សែងពានាខ្មែរដែលចាក់ដោយដៃស្អាតៗដែលកំពុងមានការគាំទ្រយ៉ាងខ្លាំងពីអតិថិជន។

តែអ្វីដែលសោកស្តាយនោះគឺ ជំនាញដេរប៉ាក ចាក់ដោយដៃរនេះ ហាក់បីដូចជាមិនសូវមានអ្នកសិក្សាស្នងទេ។ លោកស្រី សុខ ហេង បានលើកថា ការដេប៉ាក ចាក់ដោយដៃ កន្សែងពានា មួក អាវ ក្រម៉ា គឺជាកាងារមួយទាមទាអោយយើងមានការអត់ធ្មត់ ត្រូវប្រើអារម្មណ៍ស្មឹងស្មាតច្រើនទើបយើងធ្វើការមួយនេះបាន។

លោកស្រី សុខ ហេង វ័យជាង៦០ឆ្នាំរូបនេះទទូចសូមអោយបងប្អូនគាំទ្រស្នាដៃខ្មែរអោយច្រើនជាជាងយកលុយទៅគាំទ្រផលិតបរទេស ក៏ដូចជាផ្តល់ការងារអោយប្រជាពលរដ្ឋមានកាងារធ្វើ កុំអោយប្រជាពលរដ្ឋខ្មែរយើងធ្វើការចំណាក់ស្រុកផងដែរ។

ជាក់ស្តែងសព្វថ្ងៃនេះលោកស្រី បានផ្តល់កាងារជាច្រើនជូនកូនខ្មែរដូចជាស្រ្តីមេផ្ទះដែលគាត់មិនអាចទៅធ្វើការឆ្ងាញៗបាន។ កន្សែងពានា កាបូបដៃ ដែលលោកស្រី ចាក់ដោយដៃដែលបានបង្ហោះលក់នេះ មានច្រើនម៉ូត ច្រើនពណ៍ទៅតាមតម្រូវការបងប្អូនចង់បាន។

ឧកញ៉ា យ៉ន សេងហាន លើកសរសើរអំពីលោកគ្រូ នីរ៉ាន់ ដែលមានសមត្ថភាពយល់ដឹងច្បាស់ពីក្បួនជ័យភូមិបុរាណខ្មែរ និង អាចបង្កើតកាក់ថាមពលតាមក្បួនតារាសាស្ត្របាន

សំណព្វ — Tue, 19 Aug 2025 07:45:49 +0000

ស្ទើរតែមិនគួរឲ្យជឿ លោកឧកញ៉ាចិត្តធម៌ដ៏ល្បី១រូប ដែលជាម្ចាស់ក្រុមហ៊ុន សេង ហាន ឯ,ក(SH) ហើយក៏ធ្លាប់បានបួសរៀនមានចំណេះដឹងយ៉ាងជ្រៅជ្រះក្នុងព្រះពុទ្ឋសាសនា និងជាប្រធានសមាគមព្រះធម៌ដើម្បីអប់រំយុវជនកម្ពុជា បានសរសើរដល់លោកគ្រូ នីរ៉ាន់ ដែលចេះចាំនូវក្បួនតារាសាស្រ្ត និង ជ័យភូមិបុរាណខ្មែរយ៉ាងច្បាស់លាស់ក្រោយពីបានអញ្ចេីញលោកគ្រូ ទៅពិនិត្យ និងផ្ទៀងផ្ទាត់ដើម្បីរៀបចំទីតាំងឲ្យបានត្រឹមត្រូវតាមក្បួនជ័យភូមិបុរាណខ្មែរឡើងវិញ។

លោកឧកញ៉ាបានលើកឡើងបន្ថែមទៀតថា ខ្ញុំមិននឹកស្មានថាក្បួនជ័យភូមិបុរាណខ្មែរអស្ចារ្យដល់ថ្នាក់និងសោះ កន្លងទៅធ្លាប់ជួបលោកគ្រូ អ្នកគ្រូច្រើនមកដែរហើយ តែពេលបានជួបលោកគ្រូ នីរ៉ាន់ ច្បាស់ដូចបើករបស់ដែលផ្កាប់ឲ្យផ្ងារឡើង ក្រោយពីបានផ្ទៀងផ្ទាត់ និងស្តាប់ការពន្យល់របស់លោគ្រូ។

សង្គម – ផ្ទះតារា – PHTEASDARA

លោកស្រី ឡា សូឡី តំណាងលោកឧកញ៉ា កែវ ឡា នាំយកអំណោយជាច្រើន ថ្ងៃបវេសនកាល

ម្ចាស់ហាងពេជ្រ La Gold ទទូចកុំអោយមើលរំលងតាតាធាក់ស៊ីក្លូ

ស្ងាត់ៗកូនខ្មែររូបនេះ បានរួមចំណែកសាងសង់ព្រលានយន្តហោះថ្មី​

ចុះពីយន្តហោះភ្លាម កូនខ្មែរ២រូប លើកឡើងបែបនេះ ចំពោះព្រលានយន្តហោះថ្មី

វ័យជាង៦០ទៅហើយ តែលោកស្រី សុខ ហេង នៅតែចាក់កន្សែង អភិរក្សសិប្បកម្មខ្មែរ

ស្ងាត់ៗកូនខ្មែររូបនេះ បានរួមចំណែកសាងសង់ព្រលានយន្តហោះថ្មី