សំណព្វ – ផ្ទះតារា – PHTEASDARA

ស្ដាប់ឡើងព្រឺរោម MV សូ ស្រណោះ នាំបារាំងច្រៀងបទខ្មែរ

សំណព្វ — Sat, 11 Apr 2026 09:32:14 +0000

Screenshot

មុនឱកាសចូលឆ្នាំខ្មែរនេះ លោក សូ ស្រណោះ មិនបាននៅស្ងៀមនោះទេ គឺលោកបានដឹកដៃជនជាតិបារាំង ដែលមានទឹកដមសំលេងពិរោះ អោយមកច្រៀងបទ “ទង់ជាតិខ្មែរ” ដោយការបកស្រាយបទនេះ អ្នកនាង Sophy ដែលជាជនបរទេស មិនត្រឹមតែដាក់អារម្មណ៍បានល្អប៉ុណ្ណោះទេ សូម្បីតែខ្លឹមសារបទចម្រៀង ក៏អ្នកនាងយល់ច្បាស់ ដែលស្ដាប់ការបកស្រាយហើយ យើងជាជនជាតិខ្មែរ ស្ដាប់ហើយរំភើបចិត្តដែរ។

Screenshot

MV មួយបទនេះ លោក សូ ស្រណោះ បានធ្វើអោយអ្នកទស្សនារំភើបចង់ស្រក់ទឹកភ្នែកតាម ដោយសារបទចម្រៀងមិនត្រឹមតែមានអត្ថន័យចាក់ដោតតែម្យ៉ាងទេ សូម្បីសាច់រឿង MV ក៏លោកស្រណោះ បាននាំជនបរទេសរីបនេះ អោយស្គាល់ពីការតស៊ូរបស់កុមារខ្មែរ នៅសាលាដូង នៅលើភ្នំគីរីរម្យផងដែរ។

លោក សូ ស្រណោះ បញ្ជាក់ថា ការចូលរួមបកស្រាយចម្រៀង និង ចូលរួមថតរបស់ Sophy គឺបង្ហាញយ៉ាងច្បាស់ថា បងប្អូនខ្មែរដែលកំពុងប្រឈមនូវការឈ្លានពានអត់បានឯកការនោះ គឺសូម្បីតែជនបរទេសក៏ចូលរួមឈឺឆ្អាល និង លើកកម្លាំងចិត្តផងដែរ។

លោកផលិតស្នាដៃនេះ គឺមានបំណងតែមួយគត់ គឺចង់អោយខ្មែរ កាន់តែមានកម្លាំងចិត្ត និង ចង់អោយបរទេសកាន់តែស្គាល់ពីកម្ពុជា និង ចូលរួមផ្សព្វផ្សាយពីកម្ពុជា ទៅកាន់ពិភពលោក។
ទស្សនាវីដេអូកិច្ចសម្ភាាន៍លម្អិតចាងក្រោមនេះ៖

តារាជួរមុខ៣ដួង ក្លាយជា BA កាន់ខែរបស់ផលិតផលខ្មែរ LADY FLO

សំណព្វ — Wed, 08 Apr 2026 17:39:50 +0000

បង្កើតនូវអារម្មណ៍ភ្ញាក់ផ្អើលយ៉ាងខ្លាំង ដែលម្ចាស់ប្រេនផលិតផលមួយ គឺផលិតផលសំឡីអនាម័យ Lady Flo ហ៊ានបោះទុនយកតារាសុទ្ធតែលំដាប់ជួរមុខដល់ទៅ៣រូប អោយក្លាយជាតារាតំណាង ឬ BA ខណៈដែលក្រុមហ៊ុនក៏ហ៊ានបោះទុនយ៉ាងចាស់ដៃ ក្នុងពិធីបង្ហាញតារាទាំង៣ ដែលធ្វើអោយមនុស្សជាច្រើនកោតសរសើរពីតារាស្រីទាំង៣។

លោកស្រី អ៊ឹង ពេជ្រម៉ារីណា ម្ចាស់សំឡីអនាម័យ ដែលជាផលិតថ្មីរបស់កូនខ្មែរយីហោ Lady Flo បានលើកឡើងថា ហេតុផលដែលក្រុមហ៊ុនហ៊ានចាយទុនជ្រើសយកតារាកំពូលដល់ទៅ៣រូបគឺ អ្នកនាង ចាន់ កែវនិមល ពិធីការិនីលំដាប់ប្រទេសរបស់ហង្សមាស កញ្ញា មាន សូនីតា តារាសម្ដែង តារាម៉ូដែលលំដាប់ប្រទេស និង កញ្ញា មីណា ដែលជាតារាចម្រៀងយុវវ័យកំពុងឡើងកូដ អោយក្លាយជាតារាតំណាងផ្ដាច់មុខ ទាំងដែលតម្លៃខ្លួនរបស់ពួកគេខ្ពស់កប់ពពក គឺដោយសារតែតារាទាំង៣បានតំណាងអោយស្ត្រីទាំង៣វ័យ គឺវ័យក្មេង វ័យកណ្ដាល និង វ័យឆ្ពោះទៅវ័យលើសកណ្ដាល ដែលមានន័យថា គ្រប់ប្រភេទផលិតផលរបស់ Lady Flo គឺ ចាំបាច់ចំពោះស្ត្រី។

លោកស្រីបញ្ជាក់ថា ការជ្រើសយក អ្នកនាង ចាន់ កែវនិមល គឺដោយសារតែអ្នកនាង គឺជាពិធីការិនីដែលមមាញឹកនៅលើឆាកភាគច្រើន អញ្ចឹងបើទោះជាអ្នកនាងមានសភាពកំពុងមករដូវក្នុងម៉ោងការងារ ក៏ពិតលែងជាកង្វក់ ព្រោះទាំងសំឡីអនាម័យ និង ខោសំឡី ដែលក្រុមហ៊ុនបានផលិតឡើងគឺស័ក្តសមបំផុតសម្រាប់ស្ថានភាពលើឆាកបែបនេះ។ ដូចគ្នា កញ្ញា មាន សូនីតា គឺជាតារាសម្ដែង ដែលស្ទើរតែគ្មានម៉ោងទំនេរ ដូច្នេះការជ្រើសអោយកញ្ញាក្លាយជា BA ហើយប្រើផលិតផលរបស់ Lady Flo គឺបញ្ជាក់យ៉ាងច្បាស់ថា បើទោះជាដកឃ្លាពីការងារមិនរួចដូចនាងយ៉ាងណាក៏ល្អប្រើ ព្រោះធានានូវការភាយក្លិន ហៀរ និង សភាពសើមមកក្រៅដែលនាំអោយរំខានទាំងឡាយ។ ដោយឡែក កញ្ញា មីណា គឺជាអ្នកចម្រៀង ដែលច្បាស់ណាស់ថា ត្រូវប្រើសកម្មភាពច្រៀងរាំ និង លោតខ្លាំងៗលើឆាក ដូច្នេះផលិតផល Lady Flo គឺអាចជួយបាន ដើម្បីអោយនាងដើរតួជាអ្នកផ្សព្វផ្សាយ ហើយអោយស្រ្តីផ្សេងទៀត មើលឃើញពីគុណតម្លៃរបស់សំឡីអនាម័យ និង ខោសំឡីរបស់ប្រេននេះ។

លោកស្រីហ៊ានបោះទុនផលិតសំឡីម៉ាកយីហោនេះ នៅក្នុងកាលៈទេសៈនេះ គឺមានបំណងតែមួយគត់ គឺចង់អោយខ្មែរមានផលិតផលផ្ទាល់ខ្លួនប្រើប្រាស់ និង ដើម្បីជំរុញអោយមានពហិកាលើផលិតផលផ្ទះលេខ២អោយបានច្រើន និង យូរអង្វែង។ លោកស្រីថា តារាទាំង៣ ត្រូវបានកុងត្រារយៈពេល១ឆ្នាំ ហើយក្រៅពីតារាទាំង៣ ក្រុមហ៊ុននឹងប្រើយុទ្ធសាស្ត្រទីផ្សារបំបុកៗជាច្រើនទៀត ដើម្បីជួយដល់តំណាងផង និង ជួយអោយសន្ទុះលក់ចេញរបស់ផលិតផល Lady Flo កាន់តែមានការគាំទ្រ។

លោកស្រីជំរុញអោយជួយគាំទ្រផលិតផលប្រេនខ្មែរមួយនេះអោយបានខ្លាំង ដើម្បីកុំអោយបន្តពឹងដង្ហើមពីផលិតផលរបស់ផ្ទះលេខ២ ឬ ផលិតផលនាំចូលបន្តទៀត។ លោកស្រីថានេះជាប្រេនដែលបង្កើតដោយលោកស្រី ហើយរោងចក្រចិនគឺជាអ្នកផ្គត់ផ្គង់ការផលិត ដែលមានន័យថា នេះជាផលិតផលដែលមានស្ដង់ដារពេញលេញ ហើយសុវត្ថិភាពសម្រាប់ស្ត្រី ពោលគឺមិនភ័យរឿងឆ្លងមេរោគក្រោយពេលប្រើនោះ។

គួរបញ្ជាក់ផងដែរនៅក្នុងពិធីប្រកាសតែងតាំងតារាទាំង៣ដួងខាងលើជា BA នោះ ត្រូវបានធ្វើឡើងយ៉ាងអធឹកអធមនៅក្នុងសណ្ឋាគារ រ៉ូសវូតភ្នំពេញ នៅអគារវឌ្ឃនៈ ដោយការរៀបចំពិធីគឺរៀបចំយ៉ាងអឺកអធឹកតែម្ដង ដែលតាមការប៉ាន់ស្មាន គឺចំណាយមិនក្រោមម៉ឺនដុល្លារឡើយ។ តាមរយៈពិធីនេះ ក៏ត្រូវបានគេសរសើរចំពោះតារាទាំង៣មិនតិចដែរ ដែលមានសំណាងត្រូវបានក្រុមហ៊ុនជ្រើសយក ក្មុងពេលតារាល្បីៗជួរមុខក៏មានរាប់មិនអស់។

នៅក្នុងពិធីនោះក៏មានវត្តមានតារាម៉ូដែល សុទ្ធតែជាបវរកញ្ញាលំដាប់ៗ និង អ្នកតំណាងមកពីគ្រប់ខេត្តក្រុង ដែលបង្ហាញពីសក្កានុពលរបស់សំឡីអនាម័យ Lady Flo ដែលទើបតែចេញវាយលុកទីផ្សារក្រោយគេមែន ប៉ុន្តែមកក្នុងសភាពខ្លាំងតែម្ដងផងដែរ។

ញាក់សាច់ ម្ចាស់ពាន រ៉េបភើ លោក OG Golde លេចមុខក្នុងភាពយន្ត រឿង« ជើងកប »

សំណព្វ — Tue, 07 Apr 2026 11:58:43 +0000

ដឹងតែព្រឺឆ្អឹងខ្នងទៀតហើយបងប្អូន កាលពីរាត្រីថ្ងៃទី 6 ខែ មេសា ឆ្នាំ 2026 មុននេះភាពយន្តរឿង « ជើងកប់ » បានធ្វើការបើកសម្ភោធ និង ត្រៀមចាក់បញ្ចាំងជាផ្លូវការហើយ។រឿងនេះផងដែរក៏នឹងត្រៀមចាក់បញ្ចាំងនូវគ្រប់រោងភាពយន្តទូទាំងរាជធានីខេត្តក្រុងចាប់ពីថ្ងៃទី 9 ខែ មេសា ឆ្នាំ 2026នេះតទៅ។

ហ្វេនៗមានការភ្ញាក់ផ្អើលខ្លាំងមែនទែន នៅពេលឃើញម្ចាស់ពាន រ៉េបភើ លោក OG golde បង្ហាញខ្លួនក្នុងខ្សែភាពយន្តខ្នាតធំមួយគឺរឿង« ជើងកប់ » ដោយលោកសម្តែងជាតួឯកប្រុស ស្វែងរកកាពិតពីការស្លាប់របស់សង្សារ។មហាជនលើកឡើងថាលោក OG Golde មិនត្រឹមទេពូកែខាងរ៉េបទេ តែការសម្តែងចូលតួបានយ៉ាងល្អ ដែលធ្វើអោយរឿងនេះកាន់ទេល្អមើល។

អ្នកបានទស្សនារឿងនេះមុនគេនៅក្នុងថ្ងៃដាក់សម្ភោធ បានលាន់មាត់សរសើរ និង recommended យ៉ាងច្រើនទៅដល់អ្នកនិយមទស្សនារឿងខ្មែរបែបរន្ធត់នេះ កុំឱ្យរំលងឱ្យសោះ ពីព្រោះថាអ្នកទស្សនាអាចនឹងទទួលបាននូវរសជាតិថ្មីនៃសាច់រឿងដែលអ្នកនិពន្ធបានផលិតឡើងយ៉ាងយកចិត្តទុកដាក់ និង ប្រកបទៅដោយគុណភាព ព្រមទាំងអ្នកសម្ដែងចូលតួបានល្អគួរឱ្យសរសើរ។

សាកលវិទ្យាល័យ CUS ប្រារព្ធសង្រ្កាន្តឆ្នាំថ្មីអមដោយបាឋកថា និង វេទិកាពិភាក្សា

សំណព្វ — Tue, 07 Apr 2026 11:53:55 +0000

កាលពីថ្ងៃទី៣ ទី៤ និង ទី៥ ខែមេសា ឆ្នាំ២០២៦ សាកលវិទ្យាល័យ CUS បានប្រារព្ធសង្រ្កាន្តឆ្នាំថ្មីយ៉ាងអធឹកអធម អមដោយបាឋកថា និងវេទិកាពិភាក្សាអំពី “សមត្ថភាពយុវជនក្នុងសង្គមសេដ្ឋកិច្ចឌីជីថលស្របតាមគន្លងព្រះពុទ្ធសាសនា”
សាកលវិទ្យាល័យ ឯកទេស នៃកម្ពុជា,CUS បានប្រារព្ធពិធីចម្រើនព្រះបរិត្តឡើងអគារថ្មីស្ថិតនៅជិតផ្សារទំនើបអ៊ីអន២។

ពិធីនោះក៏មានការនិមន្តនិងចូលរួមជាអធិបតីប្រោះព្រំសិរីសួស្តីដោយ សម្តេចព្រះពុទ្ធជ័យមុនី ឃឹម សន សម្តេចព្រះសង្ឈនាយករងទី៣ និងសម្តេចព្រះមង្គលមុនីរង្សី ហ៊ូ ឈីវនាថ ព្រះប្រធានលេខាធិការដ្ឋានគណៈសង្ឃនាយក ព្រមទាំងស្ថាបនិក គណៈគ្រប់គ្រង សាស្ត្រាចារ្យ បុគ្គលិក និស្សិត និងភ្ញៀវកិត្តិយសជាច្រើនទៀត។ អគារថ្មីនេះមានផ្ទៃក្រឡាសំណង់សរុបជាង៣ម៉ឺនម៉ែត្រការ៉េ ដែលបានបំពាក់ដោយសម្ភារ បរិក្ខា បច្ចេកវិទ្យាទំនើបនិងមានសមត្ថភាពបណ្តុះបណ្តាលស្រាវជ្រាវ កសាងមូលធនមនុស្សបានកាន់តែច្រើនសម្បូរបែបប្រកបដោយគុណភាព សមត្ថភាពជំនាញ និងគុណតម្លៃឆ្នើមសំដៅឆ្ពោះទៅកាន់សង្គមសេដ្ឋកិច្ចឌីជីថលប្រកបដោយវឌ្ឍនភាព វិបុលភាព និងភាពសុខដុមរមនា។

សម្រាប់មូលបទ “ការកសាងមូលធនមនុស្សតាមគន្លងព្រះពុទ្ធសាសនា” ដែលមានការនិមន្តជាព្រះវាគ្មិនកិត្តិយសដោយ សម្តេចព្រះឧត្តមវង្សា បណ្ឌិត គូ សុភាព ព្រះអគ្គលេខាធិការរងថេរសភានៃព្រះពុទ្ធសាសនានៃព្រះរាជាណាចក្យកម្ពុជា និងវាគ្មិនកិត្តិយស ឯកឧត្តមសាស្រ្តាចារ្យ ហោ ប៊ុនឡេង ដោយមានការសម្របសម្រួលកម្មវិធីដោយ ឯកឧត្តម អ៊ឹម វុត្ថា។ អង្គពិធីទាំងមូលទទួលបានចំណេះដឹងយ៉ាងជ្រាលជ្រៅពាក់ព័ន្ធនឹង “ការកសាងអភិវឌ្ឍខ្លួន តាមគន្លងព្រះពុទ្ធសាសនា” និង“វិទ្យាសាស្រ្តកសាងមូលធនមនុស្ស” ហើយអត្ថន័យទាំងពីរបានតភ្ជាប់គ្នាទៅជាមូលបទមួយដ៏មានសារសំខាន់សម្រាប់យុវជនកសាងអភិវឌ្ឍខ្លួនឱ្យក្លាយជាមូលធនមនុស្សដ៏ល្អសម្រាប់ជាតិមាតុភូមិនា ពេលអនាគត។

សម្រាប់មូលបទ “សមត្ថភាពយុវជនក្នុងយុគសម័យបច្ចេកវិទ្យាឌីជីថល” ឯកឧត្តម ជា មានិត រដ្ឋលេខាធិការក្រសួងប្រៃសណីយ៍ និងទូរគមនាគមន៍បានសម្របសម្រួលដឹកនាំវេទិកា ដោយមានការចូលរួមជាវាគ្មិនកិត្តិយសពី ឯកឧត្តមបណ្ឌិត តាំង ហុងលី អគ្គនាយកនៃអគ្គនាយកដ្ឋានសេដ្ឋកិច្ចឌីជីថលនៃក្រសួងសេដ្ឋកិច្ចនិងហិរញ្ញវត្ថុ ឯកឧត្តម អ៊ឹម វុត្ថា ទីប្រឹក្សាក្រសួងប្រៃសណីយ៍និងទូរគមនាគមន៍ និងកញ្ញា ថូ ម៉ូរីហ្សា បុគ្គលិកស្រាវជ្រាវជាន់ខ្ពស់នៃមជ្ឈមណ្ឌលកម្ពុជា៤.០។ អង្គវេទិកាក៏បានទទួលនូវសំណួរនិងធាតុចូលល្អៗជាច្រើនដែលមានគុណប្រយោជន៍ដល់ការកសាងសមត្ថភាពយុវជន ឆ្ពោះទៅកាន់យុគសម័យបច្ចេកវិទ្យាឌីជីថល។

ជារួមវេទិកាពិភាក្សារកបានរបកគំហើញជាអាទិ៍ អ្វីទៅជាយុគសម័យបច្ចេកវិទ្យាឌីជីថល? អ្វីទៅសមត្ថភាពរបស់យុវជនក្នុងយុគសម័យបច្ចេកវិទ្យាឌីជីថល បញ្ហាប្រឈម ដំណោះស្រាយគន្លឹះ ប្រយោជន៍នៃការប្រើប្រាស់បច្ចេកវិទ្យាដល់យុវជនក្នុងការសិក្សា បង្កើតការងារ ផ្សារភ្ជាប់ទំនាក់ទំនង អភិវឌ្ឍន៍ជំនាញផ្ទាល់ខ្លួន ជួយក្នុងជីវិតប្រចាំថ្ងៃ និងក្រមសីលធម៌ក្នុងការប្រើប្រាស់បច្ចេកវិទ្យាប្រកបដោយប្រយោជន៍ និងបានលើកជាអនុសាសន៍សំខាន់ៗដល់យុវជនចំនួន៨ចំណុចដូចជារៀនជំនាញឌីជិថលជាប្រចាំ គិត វិភាគមិនមែនត្រឹមតែប្រើ គ្រប់គ្រងពេលវេលាក្នុងការប្រើ បង្កើតមិនមែនត្រឹមតែប្រើ បង្កើតកិច្ចបណ្តាញទំនាក់ទំនង រក្សាសុវត្ថិភាពឌីជីថល មានចក្ខុវិស័យអន្តរជាតិ និងប្រើប្រាស់បច្ចេកវិទ្យាដោយមានសីលធម៌ ដើម្បីជាមូលដ្ឋាននិងត្រីវិស័យឆ្ពោះទៅរកការពង្រឹងសមត្ថភាពរបស់ខ្លួនក្នុងការសម្របខ្លួនទៅនឹងយុគសម័យ ដ៏ទំនើបនេះ។

គួរបញ្ជាក់ថារយៈពេលជាង២៤ឆ្នាំមកនេះ មាននិស្សិតបានបញ្ចប់ការសិក្សាដោយជោគជ័យពីសាកលវិទ្យាល័យ ឯកទេស នៃកម្ពុជា,CUS ចំនួនជាងប្រាំម៉ឺននាក់រួចហើយដែលកំពុងបំពេញការងារនិងមុខរបរបានល្អប្រសើរនៅទូទាំង ប្រទេសទាំងក្នុងជួររាជការ និងផ្នែកឯកជន បច្ចុប្បន្នមាននិស្សិតជិត២ម៉ឺនទៀតបាននិងកំពុងសិក្សាជំនាញសំខាន់ៗ សម្បូរការងារធ្វើនៅតាមមហាវិទ្យាល័យចំនួន៦គឺ៖ មហាវិទ្យាល័យគ្រប់គ្រងនិងសេដ្ឋកិច្ច មហាវិទ្យាល័យនីតិសាស្រ្ត មហាវិទ្យាល័យវិទ្យាសាស្រ្តនិងព័ត៌មានវិទ្យា មហាវិទ្យាល័យវិទ្យាសាស្រ្តសង្គមនិងភាសាបរទេស មហាវិទ្យាល័យវិទ្យា សាស្រ្តកសិកម្មនិងឧស្សាហកម្មចំណីអាហារ និងមហាវិទ្យាល័យវិស្វកម្ម នៅទីតាំងគោលរាជធានីភ្នំពេញ និងសាខាទាំង៦នៅខេត្តកំពង់ចាម កំពង់ធំ សៀមរាប បន្ទាយមានជ័យ បាត់ដំបង និងខេត្តកំពត។

តាមរយៈទិសដៅយុទ្ធសាស្ត្រ និងការអភិវឌ្ឍថ្មីគ្រប់សមាសធាតុនៃប្រព័ន្ធតួអង្គរបស់ខ្លួន សាកលវិទ្យាល័យសន្យានិងប្តេជ្ញាចិត្តថា នឹងផ្តល់នូវការបណ្តុះបណ្តាល ស្រាវជ្រាវដល់និស្សិតរបស់ខ្លួនឱ្យកាន់តែមានគុណភាពខ្ពស់ មានសមត្ថភាពជំនាញឆ្នើមនិងគុណតម្លៃល្អប្រពៃដើម្បីក្លាយជាមូលធនមនុស្សខ្លាំងពូកែ និងជោគជ័យសម្រាប់សង្គមសេដ្ឋកិច្ចឌីជីថលកម្ពុជានាពេលអនាគត.!។

យក់ ឋិតរដ្ឋា ទទួលបានតំណែងធំពី Aroma

សំណព្វ — Fri, 27 Mar 2026 09:11:01 +0000

គ្មានអ្នកណាមិនស្គាល់ពីម៉ាកសញ្ញា Aroma នៅក្នុងវិស័យកែសម្ផស្ស និង គ្រឿងសម្អាងនាពេលចុងក្រោយនោះទេ ដូច្នេះហើយទើបមានការភ្ញាក់ផ្អើលយ៉ាងខ្លាំង ដែលម៉ាកសញ្ញាមួយនេះ ស្រាប់តែសម្រេចចិត្តតែងតាំងកំពូលតារាចម្រៀង អ្នកនាង យក់ ឋិតរដ្ឋា អោយក្លាយជា BA រហូតដល់ទៅពេញរយៈពេល៣ឆ្នាំ រាប់ចាប់តាំងពីថ្ងៃចុះហត្ថលេខានាព្រឹកថ្ងៃទី២៧ មីនា តទៅ ខណៈដែលប្រេនរបស់ម៉ាកសញ្ញានេះ គឺល្បីខ្លាំង និង អាចនិយាយបានថា តារារូបណាក៏ចង់ក្លាយជាអ្នកតំណាង។ អ្វីដែលសំខាន់គឺនៅក្មុងពិធីចុះហត្ថលេខានោះ មានការចូលរួមសុទ្ធតែតារាល្បីៗ ដែលសូម្បីតែ យក់ ឋិតរដ្ឋា ក៏រំភើបដល់ថ្នាក់ហូរទឹកភ្នែក។

លោក វាសនា ខេមរិន្ទ ស្ថាបនិកមជ្ឈមណ្ឌលថែរក្សាសម្ផស្សឌីអរអារ៉ូម៉ា (គ្លីនិក Aroma) និង ជាម្ចាស់ប្រេនគ្រឿងសម្អាង Aroma បានថ្លែងបញ្ជាក់ថា អ្នកនាង យក់ ឋិតរដ្ឋា គឺជា BA ប្រចាំម៉ាក់យីហោ Aroma តែម្ដង ដែលមានន័យថា អ្នកនាងជាតំណាងអ្នកផ្សព្វផ្សាយរបស់គ្លីនិកផង និង ជាអ្នកតំណាងផ្សព្វផ្សាយផ្ដាច់មុខរបស់គ្រឿងសម្អាង Aroma ទាំងគ្រប់ប្រភេទដែលបានផលិតឡើងផង។ ហេតុផលដែលលោក សម្រេចជ្រើសយកកំពូលតារារូបនេះអោយក្លាយជា BA គឺដោយសារតែអ្នកនាង គឺជាកំពូលតារាចម្រៀងដែលឈរជើងនៅក្នុងសិល្បៈបានយូរឆ្នាំមកដល់បច្ចុប្បន្ន ជាតារាគំរូ ដែលមានស្នេហាស្មោះស្ម័គ្រគ្មានព័ត៌មានអាស្រូវ និង ដោយសារតែអ្នកនាង និង ស្វាមី តែងតែចេញចូលកែសម្ផស្ស និង ថែរក្សាសម្ផស្ស នៅគ្លីនិក Aroma រយៈពេលប្រមាណ៥ឆ្នាំមកហើយ ដែលមានន័យថា អ្នកនាងបានមកគាំទ្រ និង ជឿជាក់ចំពោះសេវាកម្មរបស់ Aroma ទើប Aroma ត្រូវតែជួយគាំទ្រអ្នកនាងវិញ ក្រោយពេលចង់បានតារាល្បីណាម្នាក់ជា BA។ លោកថា អ្នកនាង យក់ ឋិតរដ្ឋា នឹងក្លាយជាអ្នកផ្សព្វផ្សាយផ្ដាច់មុខលើគ្រប់ផលិតផលទាំងអស់របស់គ្លីនិក និង ពីសេវាកម្មថែរក្សា និង កែសម្ផស្សរបស់គ្លីប ទៅកាន់អតិថិជន។

លោកក៏ប្រកាសនឹងប្រើបច្ចេកទេសដ៏ល្អមួយរបស់គ្លីនិក ដើម្បីធ្វើអោយរូបរាង របស់អ្នកនាង យក់ ឋិតរដ្ឋា ស្វែលស្អាតត្រលប់មកវិញផងដែរ ដោយស្នើអោយមហាជនរង់ចាំតាមដាន។ លោកថា អ្នកនាង យក់ ឋិតរដ្ឋា គឺជាអតិថិជនដែលចេញចូលគ្លីនិកដ៏ស័ក្តសមបំផុត សម្រាប់តំណែងជា BA ហើយរយៈពេល៣ឆ្នាំនេះ អ្នកនាងនឹងមានការងារជាច្រើនផ្សព្វផ្សាយអោយក្រុមហ៊ុន។ ដោយឡែកលោក ឃុំ ប៉ុណ្ណាដែត ក៏គ្លីនិកជ្រើសរើសជាដៃគូផ្សព្វផ្សាយមួយរូបផងដែរ ដើម្បីអោយជួយផ្នែកទីផ្សារ និង ជួយការងារផលិតវីដេអូរបស់ អ្នកនាង យក់ ឋិតរដ្ឋា ផងដែរ ដើម្បីអោយលោក និង ភរិយា ទទួលបានការងារមួយរួមគ្នាពីគ្លីនិក ក្រោយពិធីចុះហត្ថលេខានេះ។

ជាមួយនឹងសេវាកម្មឯកទេសផ្នែកព្យាបាលស្បែក ពិសេសព្យាបាលជាំ ក្រៅពីការវះកាត់នោះ លោក វាសនា ខេមរិន្ទ ក៏បង្ហាញនូវមោទនភាពផងដែរ ដែលអ្នកនាង យក់ ឋិតរដ្ឋា និង ស្វាមី បានទទួលចូលរួមក្នុងមុខជំនួញជាមួយ ដែលការចូលរួមរបស់អ្នកទាំងពីរនេះ នឹងជួយអោយម៉ាកសញ្ញារបស់ Aroma កាន់តែល្បី ស្របពេលដែលគ្លីនិកក៏ប្រើឯកទេសរបស់ខ្លួនផលិតបាននូវផលិតផលជាច្រើនមុខ ដើម្បីជួយដល់សុខភាពស្បែក ជួយព្យាបាលសក់ជ្រុះ ព្យាបាលជាំ និង ជួយអោយស្បែកម៉ត់សរលោងគ្មានផលប៉ះពាល់ជាច្រើនប្រភេទ ដើម្បីបំពេញតម្រូវការអតិថិជន។

លោកទទូចអោយអតិថិជនឆាតទៅកាន់ផេករបស់ក្រុមហុន Dr Aroma Center មជ្ឈមណ្ឌលថែរក្សាសម្ផស្សអារ៉ូម៉ា ប្រសិនបើមានបញ្ហាផ្នែកសម្ផស្ស និង ស្បែក ខណៈដែលគ្លីនិកក៏កំពុងមានការបញ្ចុះតម្លៃទាំងសេវាកែសម្ផស្ស ថែរក្សាសម្ផស្ស និង ផលិតផល ក្នុងឱកាសបុណ្យចូលឆ្នាំខ្មែរនេះ។

សក្បុសពេញព្រៃគីរីរម្យ ដោយសារតែ V88 Beauty Cambodia

សំណព្វ — Mon, 23 Mar 2026 11:29:48 +0000

កាលពីថ្ងៃទី២៣ មីនា ឆ្នាំ២០២៣ លោកស្រី ហេង ដារី CEO ហាងសាឡន V88 Beauty Cambodia ដែលជាសាលាបណ្ដុះបណ្ដាលជំនាញសាឡនដ៏ល្បីឈ្មោះ នៅផ្សារបុរីចម្ការដូង បានជះលុយដឹកនាំអ្នកបញ្ចប់ការសិក្សា និង ក្រុមការងារទាំងអស់ ដើម្បីធ្វើពិធីប្រគល់លិខិតបញ្ជាក់ការសិក្សា (Certificate) ព្រមជាមួយនឹងឈុតសក្បុសពេញព្រៃតែម្ដង នៅរមណីយដ្ឋានគីរីរម្យ។ នេះជាការជះលុយមួយទំហឹង ដើម្បីអោយអ្នកបញ្ចប់ការសិក្សាក្នុងវគ្គទី៩នេះ ទទួលបានបរិយាកាសថ្មី បានដើរកម្សាន្តជុំគ្មា និងនគ្រងឈុតសបង្ហាញសម្រស់បង្អួតព្រៃគីរីរម្យ មុនពួកគេត្រូវបែកផ្លូវទៅបើកសាឡនរៀងៗខ្លួន។ លោកស្រី CEO ក៏បាននាំម៉ូដែលស្រស់ស្អាត២រូបទៅថតផ្សព្វផ្សាយពីទឹកដៃផាត់មុខរបស់ខ្លួន និង អ្នកជំនាញប្រចាំហាងផងដែរ ដើម្បីបញ្ជាក់ថា V88 Beauty Cambodia ក្រៅពីជំនាញក្នុងការបង្ហាត់ពីឯកទេសសាឡន ក៏មានឯកទេសក្នុងការផាត់មុខកូនក្រមុំ និង តារាម៉ូដែលផងដែរ ដោយកូនក្រមុំ និង ម្ចាស់ដើមការអាចកក់ជាងពីហាងទៅផាត់មុខបានគ្រប់ពេល។ លោកស្រីថា នៅក្នុងហាងសព្វថ្ងៃមានគ្រូឯកទេសច្រើនរូប ហើយវគ្គសិក្សា គឺមានទាំងវគ្គប្រចាំថ្ងៃ វគ្គប្រចាំអាទិត្យ និង វគ្គប្រចាំខែ ដោយសាលាផ្ដល់ជំនាញច្បាស់លាស់គ្រប់ផ្នែក ទាំងផ្នែកសក់ ផ្នែកក្រចក និង វគ្គផាត់មុខកូនក្រមុំជាដើម ដែលអ្នកសិក្សា គឺរៀនចប់អាចបើកអាជីវកម្មបាន។ លោកស្រីក៏សម្ដែងការអបអរសាទេចំពោះសិក្សាក្នុងជំនាន់ទី៩នេះ ដែលទើបបញ្ចប់ការសិក្សានេះផងដែរ ដោយក្នុងវគ្គនេះមានសរុបជាង៩០នាក់ តែបានមកគីរីរម្យជុំគ្នាតែប្រមាណពាក់កណ្ដាលប៉ុណ្ណោះ។ អ្វីដែលសំខាន់ក្រៅពីបានថតរូបប្រគល់លិខិតបញ្ជាក់ការសិក្សាអោយដោយភ្ជាប់នឹងទេសភាពធម្មជាតិ ក៏ជាការបង្កើតទំនាក់ទំនងរវាងគ្នានឹងគ្នា ក្នុងដំណើរមកកាន់គីរីរម្យនេះផងដែរ បើទោះជាបេសកកម្មនេះ អាចថាជាការចំណាយច្រើនបន្តិច តែទទួលបាននូវអនុស្សាវរីយ៍ល្អជាច្រើន សម្រាប់អ្នកបានបញ្ចប់ការសិក្សា និង លោកគ្រូអ្នកគ្រូ ដែលជាអ្នកបង្ហាត់បង្រៀនដោយផ្ទាល់។ សម្រាប់លោកអ្នកដែលចង់ដឹងព័ត៌មានចូលរៀនផ្នែកសាឡន នៅ V88 Beauty Cambodia អាចទំនាក់ទំនងបានតាមតេលេក្រាម (+855) 77 359 212។

ឯកឧត្តម ចាប តូ អបអរតំណែងថ្មីរបស់លោកជំទាវ២រូប

សំណព្វ — Sun, 22 Mar 2026 15:51:47 +0000

យោងតាមការបង្ហោះរបស់ឯកឧត្តម ចាប តូ អនុរដ្ឋលេខាធិការ ក្រសួងសង្គមកិច្ច អតីតយុទ្ធជន និង យុវនិតិសប្បទា បានបង្ហាញនូវការអនអរសាទរយ៉ាងខ្លាំង ចំពោះ លោកជំទាវ កុយ ពិសី អរសាទរ លោកជំទាវបណ្ឌិត កុយ ពិសី រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានគណៈកម្មការសមភាពស្ត្រី និងកីឡា និង លោកជំទាវ ញ៉ែម មរកត រដ្ឋលេខាធិការក្រសួងកិច្ចការនារី និងជាប្រធានសហព័ន្ធកីឡារាំកម្ពុជា ដែលត្រូវបានអង្គសន្និបាតគាំទ្រអោយបន្តតំណែងជាសមាជិកប្រតិបត្តិ នៃគណៈកម្មាធិការជាតិអូឡាំពិកកម្ពុជា សម្រាប់អាណត្តិទី៩ ពីឆ្នាំ២០២៦-២០៣០ ដែលតួនាទីមួយបានកំពុងធ្វើអោយស្រទាប់មហាជនបង្ហាញនូវការចាប់អារម្មណ៍យ៉ាងខ្លាំង ដែលស្ដែងកាន់តែច្បាស់ថា ថ្នាក់ដឹកនាំជាស្ត្រីឆ្នើមទាំងពីរ គឺពោរពេញដោយសមត្ថភាព និង ភាពវ័យឆ្លាត ទើបត្រូវបានអង្គសន្និបាតបង្ហាញនូវទំនុកចិត្តក្នុងការបោះឆ្នោតអោយ។

ងាកមកលោកជំទាវ ញ៉ែម មរកត គ្មានអ្នកណាមិនដឹងនោះទេថា ជាស្រ្តីមួយរូប ដែលបានរួមចំណែកយ៉ាងខ្លាំង ក្នុងការជួយដល់ស្ត្រីជាពិសេសជនមានពិការភាព ដោយលោកជំទាវរមែងយកទ្រូងពាំង និង ជួយដោះស្រាយបញ្ហាបានលទ្ធផលល្អរាប់មិនអស់ នាពេលចុងក្រោយ។

លោកជំទាវក៏មានស្នាដៃដឹកនាំបងប្អូនជាបុរសដែលមានពិការភាព ធ្វើអោយសង្គមទាំងមូលមើលឃើញពីគុណតម្លៃរបស់ជនពិការ កាត់បន្ថយនូវការរើសអើងផងដែរ។ មិនខុសគ្នាដែរលោកជំទាវ កុយ ពិសី ក៏មានស្នាដៃរាប់មិនអស់ ដែលមិនអាចយកមកបរិយាយអស់ក្នុងពេលនេះដូចគ្នា។ ដូច្នេះហើយទើបក្រោយការទទួលបាននូវតួនាទីថ្មី គេឃើញទាំងអ្នកសិល្បៈ និង បងប្អូនដែលលោកជំទាវធ្លាប់ផ្ដល់ភាពកក់ក្ដៅបង្ហោះអបអរសាទរយ៉ាងខ្លាំង។

ជាក់ស្ដែង ឯកឧត្តម ចាប តូ ក៏បានបង្ហាញនូវការសាទរចំពោះលោកជំទាវទាំងពីរ ដើម្បីជាការអបអរសាទរផងដែរ។ ឯកឧត្តម ចាប តូ បានបង្ហោះសំណេរអមដោយរូបភាពថា សូមអបអរសាទរ លោកជំទាវបណ្ឌិត កុយ ពិសី រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានគណៈកម្មការសមភាពស្ត្រី និងកីឡា
និង លោកជំទាវ ញ៉ែម មរកត រដ្ឋលេខាធិការក្រសួងកិច្ចការនារី និងជាប្រធានសហព័ន្ធកីឡារាំកម្ពុជាត្រូវបានអង្គសន្និបាតគាំទ្របន្តជាសមាជិកប្រតិបត្តិ នៃគណៈកម្មាធិការជាតិអូឡាំពិកកម្ពុជាសម្រាប់អាណត្តិទី៩ ឆ្នាំ២០២៦-២០៣០។

រឿង «ទាយាទធ្មប់ – ផ្លូវទៅនរក » ប្រកាសចាក់បញ្ចាំងជាផ្លូវការ

សំណព្វ — Fri, 13 Mar 2026 03:09:46 +0000

ដឹងតែព្រឺឆ្អឹងខ្នងទៀតហើយបងប្អូន កាលពីរាត្រីថ្ងៃទី 12 ខែ មិនា ឆ្នាំ 2026 មុននេះភាពយន្តរឿង « ទាយាទធ្មប់ » បានធ្វើការបើកសម្ភោធ និង ត្រៀមចាក់បញ្ចាំងជាផ្លូវការហើយ។រឿងនេះផងដែរក៏នឹងត្រៀមចាក់បញ្ចាំងនូវគ្រប់រោងភាពយន្តទូទាំងរាជធានីខេត្តក្រុងចាប់ពីថ្ងៃទី 19 ខែមិនា ឆ្នាំ 2024 នេះតទៅ។

ភាពយន្តរឿង « ទាយាទធ្មប់ » គឺជាភាពយន្តខ្នាតធំថ្មីមួយដែលមិនត្រឹមតែជា
ភាពយន្តភ័យរន្ធត់ប៉ុណ្ណោះទេ តែមានបង្កប់នូវសេចក្តីស្រលាញ់យ៉ាងជ្រាលជ្រៅ របស់កូនស្រីម្នាក់ ទៅកាន់ម្តាយ នឹងបំផ្លាញរាល់អាគមខ្មៅងងឹតផ្លូវទៅនរកផងដែ។ មិនតែប៉ុណ្នោះសាច់រឿងក៏បានបង្ហាញនូវមន្តខ្មៅងងឹត ការប្រើសិលកំលាំងអច្ឆរិយៈពី ទាយាទធ្មប់ ដែលជាជំនឿអរូបិយមានតាំងពីយូយារណាស់មកហើយ ក៏ជាជំនឿមួយដែលបងប្អូនខ្មែររស់នៅសម័យថ្មីគួរតែចាប់អារម្មណ៍។

អ្នកបានទស្សនារឿងនេះមុនគេនៅក្នុងថ្ងៃដាក់សម្ភោធ បានលាន់មាត់សរសើរ និង recommended យ៉ាងច្រើនទៅដល់អ្នកនិយមទស្សនារឿងខ្មែរបែបរន្ធត់នេះ កុំឱ្យរំលងឱ្យសោះ ពីព្រោះថាអ្នកទស្សនាអាចនឹងទទួលបាននូវរសជាតិថ្មីនៃសាច់រឿងដែលអ្នកនិពន្ធបានផលិតឡើងយ៉ាងយកចិត្តទុកដាក់ និង ប្រកបទៅដោយគុណភាព ព្រមទាំងអ្នកសម្ដែងចូលតួបានល្អគួរឱ្យសរសើរ។

មើលហើយមានក្ដីសុខជំនួស គ្រួសារម្ចាស់ប្រេន HK7 អ្នកស្រី អ៉ឹម សុគន្ធា សម្រេចបំណងយកកូនប្រុសពៅ បានជោគជ័យ

សំណព្វ — Fri, 13 Feb 2026 09:52:46 +0000

បន្ទាប់ពីបរាជ័យក្នុងការពពោះកាលពីកំឡុងចុងឆ្នាំ 2024 ដោយសារបញ្ហាសុខភាពម្ដងរួចមកហើយ តែដំណឹងល្អក៏បានលេចរូបរាងជាថ្មីម្ដងទៀតដោយអ្នកស្រី អ៉ឹម សុគន្ធា អគ្គនាយិការក្រុមហ៊ុនគ្រឿងសម្អាងម៉ាកល្បី HK7 បានធ្វើឱ្យមហាជនមានការភ្ញាក់ផ្អើល និង ចូលរួមអបអរសាទរយ៉ាងច្រើនចំពោះសមាជិកថ្មីកូនប្រុសដែលទើបតែសម្រាល កាលពីព្រឹកថ្ងៃទី 12 ខែ កុម្ភៈ ឆ្នាំ 2026 នេះ។

កូនប្រុសឈ្មោះ យុទ្ធិ វង្សវីនស៊ុន ដែលទើបតែសម្រាលត្រូវបានប្ដីប្រពន្ធអ្នកទាំងពីរហៅថាជាកូនប្រុសពៅ ដែលនេះជាសញ្ញាបញ្ជាក់ថាអ្នកស្រី អ៉ឹម សុគន្ធា លែងពពោះជាថ្មីម្ដងទៀតហើយខណៈបច្ចុប្បន្នអ្នកស្រីទទួលបានបុត្រធីតាចំនួន3នាក់តាមគោលបំណង ដែលអ្នកស្រី និង ស្វាមីធ្លាប់បានបង្ហើបប្រាប់ ដោយសារតែអ្នកស្រីក៏មានវ័យច្រើនណាស់ទៅហើយដែរ។

ក្រឡេកមកមើលស្វាមីលោក រ៉ាយុទ្ធ ហាក់បង្ហាញក្ដីរីករាយ និង សាទរយ៉ាងកក់ក្ដៅចំពោះវត្តមានកូនប្រុសពៅ ដូចទៅនឹងសម្ដីរបស់ភរិយាធ្លាប់ប្រាប់ថាស្វាមីរបស់អ្នកស្រីពិតជាស្រឡាញ់កូនណាស់ដោយសព្វថ្ងៃកូនៗទាំងប្រុសទាំងស្រីគឺទទួលបានការមើលថែរ ស្និទស្នាល យកចិត្តទុកដាក់ពីសំណាក់ស្វាមីច្រើនជាងខ្លួនដែលជាម្ដាយទៅទៀត ដោយសារខ្លួនមានការរវល់ ហេតុដូចនេះហើយទើបអ្នកស្រីមិនហត់នឿយក្នុងការពពោះដើម្បីសម្រេចបំណងស្វាមីយកកូនពៅម្នាក់បន្ថែមទៀតសមតាមការចង់បាន។

អ្វីដែលមហាជនមើលឃើញខណៈក្នុងកំឡូងពេលពពោះអ្នកស្រីក៏ទទួលបានការមើលថែរ ថ្នាក់ថ្នមយ៉ាងយកចិត្តទុកដាក់ពីសំណាក់លោក គង់ សុខហេង ហៅ រ៉ាយុទ្ធ ដែលជាឧត្តមស្វាមីថែមទៀតផង។ មិនតែប៉ុណ្នោះបើនិយាយពីសម្រស់អ្នកម្ដាយសម័យថ្មីរូបនេះនៅតែឆ្វាចមិនចាញ់ក្រមុំៗទោះស្ថិតក្នុងកាលៈទេសៈពពោះក៏ដោយ។

ថ្វីបើមុនពេលអ្នកស្រីសម្រេចប្រកាសថាខ្លួនជោគជ័យក្នុងការពពោះជាថ្មីម្ដងទៀត រហូតដល់កៀកនឹងសម្រាលកូនក្ដី គេឃើញអ្នកស្រីហាក់មមាញឹកទាំងក្នុងការផ្លាស់ប្ដូររោងចក្រផលិតគ្រឿងសម្អាងដែលជាបហរេនផ្ទាល់ខ្លួនដែលធ្លាប់ផលិតនៅក្នុងប្រទេសសៀម និង ការចុះជួយសង្គមក្នុងកំឡុងពេលប្រទេសជាតិកំពុងមានបញ្ហា មិនថាមូលនិធិផ្ទាល់ខ្លួន ឬ តាមរយៈសប្បុរសជនណាឡើយគេរមែងឃើញមានវត្តមានអ្នកស្រីជាមួយនឹងកូនក្នុងផ្ទៃសស្រាក់សស្រាំមិនបាត់មុខ ដែលជាផលបុណ្យជម្រុញឱ្យសុខភាពទាំងម្ដាយទាំងកូនមានភាពរឹងមាំ និង ឈានដល់ការសម្រាលដោយរលូនគួរឱ្យសារទរ។

អនិកជនខ្មែរនៅអាមេរិកមួយរូប កោតសរសើរអ្នកស្រី ប៉ូ ស្រីគង់ ចំពោះការមើលថែរទាំក្មេងៗកុមារកំព្រាក្នុងមណ្ឌល ស្នាមញញឹមថ្មីនៃក្ដីសង្ឃឹមរបស់កុមារ

សំណព្វ — Fri, 13 Feb 2026 08:30:20 +0000

កាលពីថ្ងៃទី12 ខែកម្ភៈ ឆ្នាំ2026មុននេះ លោក ប្រុស សេង កូនខ្មែររស់នៅសហរដ្ឋអាមេរិក បានដឹកនាំក្រុមការងារ ចុះយកជំនួយជួយដល់ សមាគម ស្នាមញញឹមនៃក្ដីសង្ឃឹមរបស់កុមារ បានយ៉ាងច្រើនដូចជា អង្ក ត្រីខ ទឹកត្រីទឹកស៊ីអ៊ីវ ទឹកដោះគោ គ្រឿងទេះ ទូរទស្សន៍2គ្រឿង កុំព្យូទ័រ 4គ្រឿង សំលៀកបំពាក់ ស្បែកជើងនិងសម្ភារៈផ្សេងៗទៀត ហើយថែមទាំងបានដុតគោ1ក្បាលធ្វើម្ហូបជាច្រើនយ៉ាងឈ្ងុយឆ្ងាញ់ មួយពេលដល់កុមារ ដើម្បីជាអបអរឱកាសបុណ្យចូលឆ្នាំចិន។

លោក ប្រុស សេង បានលើកឡើងថា នេះជាលើកទីមួយដែលលោកបានមកដល់មណ្ឌលកុមារកំព្រារមួយកន្លែងនេះ ហើយលោកក៏សប្បាយរីករាយយ៉ាងខ្លាំងរហូតដល់ថ្នាក់ស្រក់ទឹកភ្នែកពេលបានមកជួបក្មេងៗដោយផ្ទាល់ និង មានមោទនភាពចំពោះប្រធានមណ្ឌលផងដែរ ដែលអាចចិញ្ចឹមមើលថែក្មេងដែលសុទ្ធតែក្មេងកំព្រា ក្មេងរងគ្រោះ មកពីគ្រប់ទិសទី បានរហូតដល់ជាង១៣០នាក់ ហើយមើលថែបានយ៉ាងល្អទៀត ដែលចាត់ទុកថាជាភ័ព្វវាសនារបស់ក្មេងៗ ដែលបានមកជ្រកកោននៅក្នុងមណ្ឌលនេះ។

នៅក្នុងកម្មវិធីផងដែរ លោក ប្រុស សេង បានស្នើអោយក្មេងៗ ត្រូវចេះស្ដាប់បង្គាប់មណ្ឌល និង លោកគ្រូអ្នកគ្រូ ហើយត្រូវខិតខំរៀនសូត្រ ក្រេបយកចំណេះវិជ្ជា ដើម្បីក្លាយជាក្មេងល្អ និង មានអនាគតល្អ។

លោកស្រី ប៉ូ ស្រីគង ប្រធានសមាគមស្នាមញញឹមនៃក្ដីសង្ឃឹមកុមារ បានលើកឡើងថា ការចូលរួមចំណែក និង ចុះមកកាន់មណ្ឌលរបស់លោក ប្រុស សេង អនិកជនខ្មែររស់នៅសហរដ្ឋអាមេរិក ក៏ដូចជាក្រុមការងារ គឺជាការលើកទឹកចិត្តមួយដ៏ធំ ដល់លោកស្រី ដល់លោកគ្រូអ្នកគ្រូ និង ក្មេងៗទាំងអស់ ដែលត្រូវការនូវភាពកក់ក្ដៅ។

លោកថាមណ្ឌលនៅទីនេះ គឺពឹងអាស្រ័យទាំងស្រុង លើការរួមចំណែករបស់សប្បុរសជន ហើយក៏មកដល់របស់សប្បុរសជន គឺជាកាដូដ៏ធំរបស់កុមារ ដែលរស់នៅក្នុងមណ្ឌលទាំងមូល។