ខណៈដែល គ្រួសារតារាកម្ពុជា ទើបប្រកាសតែងតាំងម្ចាស់ពាន១២រូប អោយកាន់តំណែងជាទូតឆន្ទៈក្នុងឆ្នាំដំបូង ដោយមានលោក រុន ណាកូ មួយរូបផង នៅលើផេករបស់ផលិតកម្មក្លាសុិក កាលពីល្ងាចថ្ងៃទី១៩ កក្កដា ឆ្នាំ២០១៩ ឯណោះវិញ បែរជាបានបង្ហោះក្ដៅៗថា ម្ចាស់ពានគ្រងឈុតបុរាណលេចធ្លោ និងស័ក្តសមកាលពីឆ្នាំ២០១៨ ដែលបានទទួលពានប្រជាប្រិយភាពឆ្នាំ២០១៩ ពីការបោះឆ្នោតរូបនេះ គឺជាតួឯកប្រុសក្នុងរឿង”ទឹកភ្នែកមួយលានដំណក់”តែម្ដង។ ការប្រកាសនេះ បានធ្វើអោយម្នាក់ៗមានការចាប់អារម្មណ៍មិនតិចទេ ដោយសារតែលោកទើបតែត្រូវបានតំណែងជាទូតសុឆន្ទៈរបស់គ្រួសារតារាកម្ពុជា ក្នុងចំណោមម្ចាស់ពានទាំង១២រូបសោះ ហើយក៍កៅអីតួឯកភ្លែតបែបនេះ។
ផេកផលិតកម្មក្លាសុិកបានសរសេរបង្ហោះថា”សូមស្វាគមន៍សមាជិកថ្មីក្នុងផលិតកម្មក្លាសសុីក ដែលកាន់តំណែងជាតួឯកស្រីប្រុសនៅក្នុងរឿង ទឹកភ្នែកមួយលានតំណក់ :pray::heart::pray:
:point_right:កញ្ញា កូកូ តារាចម្រៀងនឹងសម្តែង:star:
:point_right:លោក រុន ណាកូ ម្ចាស់ពាន:star:គ្រងឈុតបុរាណត្រូវទម្រង់ និងលេចធ្លោឆ្នាំ២០១៨ និងជាម្ចាស់ពានប្រជាប្រិយភាព ប្រចាំឆ្នាំ២០១៩ ដែលបានចូលរួមសម្តែងនៅក្នុងរឿងថ្មី គឺ រឿងទឹកភ្នែកមួយលានតំណក់ :+1:ដែលត្រៀមថតនៅខែក្រោយបន្ទាប់ពីរឿងមន្តស្នេហ៍នាងដារីយ៉ា ដែលថតបញ្ចាប់នៅក្នុង ពេលឆាប់ៗ នេះ របស់ផលិតកម្មក្លាសសុិក:ok_hand:“។ នេះជាការបញ្ជាក់ពីតំណែងច្បាស់លាស់របស់លោក រុន ណាកូ លើកដំបូង ក្នុងពេលដែលពេលកន្លងមក ផលិតកម្មក្លាសុិក បានត្រឹមតែបញ្ជាក់ថា លោកគឺជាតួអង្គមួយក្នុងរឿងទឹកភ្នែកមួយលានដំណក់ តែលាក់មិនដឹងថាលោកត្រូវគេអោយសម្ដែង ជាតួអ្វី។
លោក ហួរ សុផល ម្ចាស់ផលិតកម្មក្លាសុិក បានបញ្ជាក់បន្ថែមថា លោករុន ណាកូ ពិតជាត្រូវបានលោកពេញចិត្តអោយសម្ដែងជាតួឯកក្នុងភាពយន្តថ្មីរបស់លោមមែន ដោយតម្រូវអោយសម្ដែងជាមួយ កញ្ញា កូកូ ដែលជាអតីតតារាចម្រៀងក្រុមហាយក្លាស់ដែលបាត់មុខប្រមាណ៤ឆ្នាំនោះ។ លោកថា កូកូត្រលប់មកសម្ដែង មុនពេលសម្រេចចិត្តចូលច្រៀង ហើយដោយលោកក៍ចង់អោយកញ្ញាកូកូ ដែលបង្ហាញខ្លួនចំពេលលោកត្រៀមថតរឿងថ្មី ក៍លោកសម្រេចជ្រើសនាងដែលជាកូនចៅចាស់ជាតួឯក ហើយសំលឹងឃើញលោក រុន ណាកូ ដែលជាម្ចាស់ពាន និងជាទូតសុឆន្ទៈមួយរូបរបស់គ្រួសារតារាកម្ពុជាជាតួឯក។ លោកថាតួអង្គឯកទាំងពីរនឹងសម្ដែងជាតួយុវវ័យលូយឆាយភ្លើតភ្លើន ហើយចុងបញ្ចប់សាច់រឿងបានក្លាយជាជនទឹកភ្នែក។ នេះជាភាពយន្តទី២ដែលលោកផលិតក្នុងបំណងបង្ហោះលើយូធូបបន្ទាប់ពីចប់រឿង”មន្តស្នេហ៍នាងដារីយ៉ា” តែកំពុងចរចារដាក់បញ្ចាំងលើទូរទស្សន៍មួយ៕
